مڈل ، میٹرک سطح پر ٹیک ایجوکیشن منصوبہ شروع

ملتان(خصوصی رپورٹر)پنجاب بھر کے سرکاری سکولوں میں نئے تعلیمی سال سے مڈل اور میٹرک سطح پر ٹیک ایجوکیشن کا آغاز کرنے کافیصلہ ،سیکرٹری سکولز نے کتابوں کی چھپائی کا حکم دے دیا ہے ۔
تفصیل کے مطابق تمام سی ای اوز سے مڈل اور میٹرک ٹیک میں داخلہ لینے والے بچوں کی تعداد طلب کی گئی ہے ، جس کے مطابق نئی کتابیں چھاپی جائیں گی۔مڈل اور میٹرک ٹیک ایجوکیشن میں ایگریکلچر، انفارمیشن ٹیکنالوجی، ہیلتھ سائنسز اور فیشن ڈیزائننگ جیسے شعبے شامل کئے جائیں گے ،سیکرٹری سکولزخالد نذیر ووٹو نے کہا کہ ٹیک ایجوکیشن کا مقصد سرکاری سکولوں کے بچوں کو ہنر مند بنانا ہے تاکہ وہ عملی میدان میں کامیاب ہو سکیں۔