10لاکھ ایکڑ کاٹن اگیتی کاشت کاہدف حاصل کرینگے ،افتخارسہو
ملتان (وقائع نگار خصوصی)صوبہ میں 10 لاکھ ایکڑ رقبہ پر کپاس کی اگیتی کاشت کا ہدف حاصل کیا جائے گا۔
پنجاب میں کپاس کی بحالی کو چیلنجنگ ٹاسک کے طور پر لیا جارہا ہے ۔ کپاس کی اگیتی کاشت میں کاشتکاروں کا بھرپور تعاون قابل ستائش ہے ۔تاریخ میں پہلی بار کپاس کی اگیتی کاشت کیلئے بھرپور انداز میں مہم جاری ہے ۔ ان خیالات کا اظہار سیکرٹری زراعت پنجاب افتخار علی سہو نے زرعی یونیورسٹی ملتان میں منعقدہ کپاس کی اگیتی کاشت کے ہدف کے جائزہ اجلاس کی صدارت کرتے ہوئے کیا۔ اجلاس سے خطاب کرتے ہوئے سیکرٹری زراعت پنجاب افتخار علی سہو نے کہا کہ موسمیاتی تبدیلیوں کے تناظر میں کپاس کی اگیتی کاشت ناگزیرہو چکی ہے ۔تاریخ میں پہلی بار کپاس کی اگیتی کاشت پر مالی اعانت کا خصوصی پیکیج کاشتکاروں کو فراہم کیا جا رہا ہے ۔اس موقع پر سیکرٹری زراعت پنجاب نے واضح کیا کہ کپاس کی اگیتی کاشت کیلئے متعلقہ فیلڈ فارمیشنز کو اہداف تفویص کئے گئے ہیں۔
