پولیس افسروں،اہلکاروں اہلخانہ کے علاج کیلئے رقم منظور
آر پی او سرگودھا ریجن اشفاق خان نے ریجنل مینجمنٹ کمیٹی کے اجلاس کی صدارت کی۔سرگودھا ریجن کے پولیس افسران و اہلکار جنہوں نے فلاح و بہبود کے لیے درخواستیں جمع کروائی تھیں ان کو ڈسکس کیا گیا
سرگودھا(سٹاف رپورٹر )اجلاس میں پولیس افسران و اہلکاروں اور ان کی فیمیلیز کے علاج و معالجہ کے لیے رقم ادا کرنیکی منظوری دی گئی۔آر پی اوسرگودھا ریجن اشفاق خان نے اجلاس میں موجود شرکاء سے خطاب کرتے ہوئے کہا کہ پولیس افسران و اہلکاروں کی فلاح و بہبود میری ترجیحات میں شامل ہے ۔ان کو جو بھی محکمانہ یا ذاتی مسائل درپیش ہیں ان کے حل کے لئے اہم اقدامات کئے جا رہے ہیں۔پولیس افسران و اہلکاروں کی فلاح و بہبودکے بروقت اقدامات سے ان کی کارکردگی میں بھی اضافہ ہوگا۔