22ہزار نئے گیس کنکشن لگانے کی منظوری دید ی گئی
2018میں دی گئی درخواستوں پر کنکشن جلد لگنا شروع ہو جائینگے
سرگودھا(سٹاف رپورٹر ) محکمہ سوئی گیس سرگودھا ریجن میں رواں مالی سال میں دیئے جانے والے نئے گیس کنکشن کی منظوری دے دی گئی ، معلوم ہوا ہے کہ بڑھتی ہوئی ڈیمانڈ کے پیش نظر حکومت کی طرف سے نئے گیس کنکشن کی منظوری دے دی گئی ہے ، اس سلسلہ میں رواں مالی سال میں سرگودھا ریجن میں تقریباً 22 ہزار نئے کنکشن لگائے جائیں گے ، جبکہ یہاں پر ڈیمانڈ زیادہ ہے ، محکمہ سوئی گیس کے ذرائع کا کہنا ہے کہ سیاسی پریشر کی وجہ سے عام شخص تک گیس کنکشن وقت پر دینے میں سخت دقت کا سامنا ہے ، تا ہم وسائل کے مطابق عام آدمی کو بھی نئے گیس کنکشن جاری کیے جائیں گے ، تا حال 2018ء میں دی جانے والی درخواستوں پر گیس کنکشن لگائے جا رہے ہیں، اس کے بعد نئی درخواستوں پر بھی جلد ہی عملدرآمد شروع کر دیا جائے گا۔