نیوز الرٹ
  • بریکنگ :- صدر بائیڈن جی 20سمٹ اور ماحول سے متعلق اجلاس میں شرکت کیلئے یورپ روانہ
  • بریکنگ :- 2روزہ جی 20اجلاس اٹلی میں 30اکتوبر سے شروع ہوگا،خبرایجنسی
  • بریکنگ :- امریکی صدر اقوام متحدہ کی ماحول سےمتعلق کانفرنس میں بھی شرکت کرینگے
  • بریکنگ :- ماحول سے متعلق 12 روزہ کانفرنس 31 اکتوبر سے گلاسگو میں شروع ہوگی
  • بریکنگ :- گلاسگو میں صدر بائیڈن کی ترک ہم منصب سے ملاقات بھی متوقع،امریکی مشیر قومی سلامتی
Coronavirus Updates

راجباہوں میں کوڑا پھینکنے پر کارروائی کا فیصلہ

راجباہوں میں کوڑا پھینکنے پر کارروائی کا فیصلہ

دنیا اخبار

ضلعی رابطہ کمیٹی کے اجلاس میں مضر صحت دودھ فروخت کرنے والوں کیخلاف بھی ایکشن پر اتفاق ہوا

سرگودھا(سٹاف رپورٹر)ضلعی رابطہ کمیٹی کے اجلاس میں مضر صحت دودھ فروخت کرنے والوں اور شہر سے گزرنے والے راجباہوں میں سیوریج کے پانی او رکوڑا کرکٹ پھینکنے والوں کیخلاف سخت کارروائی پر اتفاق کر لیاگیا ،اجلاس ڈپٹی کمشنر نائلہ باقر کی زیر صدارت ان کے کمیٹی روم میں منعقد ہوا ۔ اجلاس میں ڈی پی او ذوالفقار احمد ’ صوبائی پارلیمانی سیکریٹریز چودھر ی فیصل فاروق چیمہ ’ چودھری افتخار گوندل ’ ایم پی ایز چودھری منیب سلطان چیمہ کے علاوہ تمام اسسٹنٹ کمشنروں اور ضلعی وصوبائی محکموں کے افسر بھی شریک تھے ،ڈی پی او ذوالفقار احمد نے ا من عامہ اور عزاداری جلوس کے علاوہ چہلم حضرت امام حسینؓ ؑ او ر28صفر کے جلوس کے حوالہ سے سکیورٹی کے اقدامات بارے بھی آگاہ کیا ۔ اجلاس کو ڈپٹی ڈائریکٹر ڈویلپمنٹ وقاص رانجھا نے جاری ترقیاتی کاموں بارے بریفنگ میں بتایا کہ ضلع میں اس وقت مختلف محکموں کی 206ترقیاتی سکیموں پر کام جاری ہے ۔ ان سکیموں کا تخمینہ تین ارب 18 کروڑ روپے لگایاگیاہے ۔ اجلاس کو بتایاگیاکہ شہر کے سیوریج سسٹم کی بہتری کیلئے پلان تیار کر کے ڈی سلٹنگ کی جارہی ہے ۔ اجلاس کو مزید بتایاگیاکہ ضلع سرگودہا کے ایک لاکھ 48ہزار کی شتکاروں نے کسان کارڈ کیلئے رجسٹرڈ کروایاہے جنہیں حکومت پنجاب کی جانب سے مختلف زرعی مد میں سبسڈی دی جارہی ہے ۔ اجلاس میں پارلیمنٹرین نے کسان کارڈ ز ’ صحت کارڈ اور ہر ضلع کیلئے ترقیاتی پیکیج کے اعلان کو حکومت کے بڑے کارنامے قرار دیتے ہوئے مہنگائی پر قابوپانے کیلئے بھر پور اقدامات اٹھانے کی ضرورت پر زور دیاگیا۔

Advertisement
روزنامہ دنیا ایپ انسٹال کریں