اہم علاقوں میں غیر محفوظ انداز میں عمارتوں کی تعمیر جاری
بلڈنگ میٹریل سڑکوں اور فٹ پاتھوں پر پھینکنے سے سیوریج لائن بند
سرگودھا(سٹاف رپورٹر ) شہر کے اہم علاقوں میں غیر محفوظ انداز میں عمارتوں کی تعمیر کا سلسلہ جاری ہے ۔ تعمیر کے بلڈنگ میٹریل سڑکوں اور فٹ پاتھوں پر پھینک دیا جاتا ہے ، سیوریج لائن بند ہونے کی وجہ سے بارش کے دنوں میں سارا دن پانی جمع ہو کر سڑکوں کو تباہ کر رہا ہے ، فٹ پاتھوں پر بلڈنگ میٹریل رکھنے کی وجہ سے پیدل چلنے کا راستہ مکمل ختم ہو جاتا ہے ۔ اس تمام صورتحال کے پیش نظر نا صرف ارد گرد کی عمارتیں اور مکین پریشان ہوتے ہیں، بلکہ شہریوں کے لئے بھی شدید تکلیف کا باعث بنتا ہے ، انتظامیہ کو اس تمام تر صورتحال کا علم ہونے کے باوجود ایسے عوامل کے خلاف کسی بھی قسم کا ایکشن لینے سے گریزاں ہیں۔