سالٹ مائن میں آگ،مزدور جاں بحق ،ساتھی شدید زخمی
نوے فیصد جھلسنے والا بشیر دم توڑ گیا ،ملک جاوید اقبال کھاریاں ریفر
میانوالی ( نامہ نگار )کالاباغ کی سالٹ مائن میں گیس لیکیج کے باعث آتش زدگی سے دو مزدور جھلس گئے ،ایک جاں بحق ہو گیا ، دوسرا کھاریاں ریفر کر دیا گیا، سالٹ مائن وانڈھا ککڑنوالہ میں آگ لگنے سے سے بشیر اور جاوید جل گئے ، زخمیوں کو تحصیل ہیڈکوارٹر ہسپتال کالاباغ منتقل کر دیا گیا،جہاں ابتدائی علاج کے بعد ڈسٹرکٹ ہیڈ کوارٹر منتقل کر دیا گیا ، نوے فیصد جھلسنے والا بشیر دم توڑ گیا ، جبکہ ملک جاوید اقبال کو برن یونٹ کھاریاں ریفر کر دیا گیا ہے ، زخمی پاکستان مسلم لیگ ن ضلع میانوالی کے سیکرٹری انفارمیشن ملک محمد رمضان اعوان کے بھائی ہیں ۔