اومیکرون کے مریضوں کا مکمل ڈیٹا رکھنے کی ہدایت جاری
سرکاری و نجی ہسپتالوں،ڈاکٹروں کو مریض بارے آگاہ کرنے کی ہدایت
سرگودھا(سٹاف رپورٹر ) سیکرٹری صحت پنجاب کی جانب سے سرگودھا سمیت صوبہ بھر کی ہیلتھ اتھارٹیوں کو ہدایت کی ہے کہ وہ سرکاری و نجی ہسپتالوں او رڈاکٹروں کو کورونا وائرس کی نئی قسم کی ممکنہ علامات کے مریضوں کا مکمل ڈیٹا رکھنے اور فوری طو رپر ہیلتھ اتھارٹی وانتظامیہ کو آگاہ کرنے کا پابند بنایاجائے ،ذرائع کا کہنا ہے کہ حکومت کے علم میں آیا ہے کہ زیادہ تر افراد سرکاری سنٹرو ں کی بجائے نجی ہسپتالوں کو ترجیح دے رہی ہے جس پر ہدایت کی گئی ہے کہ کسی بھی غیر ذمہ دارانہ او رلاپرواہی کی صورت میں ہسپتال اورڈاکٹروں کے خلاف سخت کارروائی کی جائے ،تاکہ کورونا وائرس کی نئی قسم کے پھیلاؤ کا سد باب کیا جاسکے ۔
روزنامہ دنیا ایپ انسٹال کریں
