55 شمالی کے سرکاری سکول میں کلاس روم کم،بچے پریشان
سرگودھا(نامہ نگار ) گورنمنٹ بوائز انگلش میڈیم ہائی سکول 55 شمالی میں کمروں کی کمی کے باعث شدید موسم کی وجہ سے بچوں کے ساتھ ساتھ سکول انتظامیہ کو بھی شدید مشکلات ہیں، تفصیل کے مطاب سکول ہذا ایجوکیشن حکام اور ضلعی انتظامیہ کی عدم توجہی کے باعث شدید مشکلات کا شکار ہے ۔
جس میں بچوں کی تعداد کے مطابق کمرے دستیاب نہیں جس کی وجہ سے بیشتر بچے کھلے آسمان تلے تعلیم حاصل کرنے پر مجبور ہیں، سکول انتظامیہ کے مطابق فوری طو ر پر تین کمروں کی ضرورت ہے جن کی تعمیر کیلئے ایجوکیشن حکام کو متعدد مرتبہ لکھا جا چکا ہے جس پر پیش رفت کا انتظار ہے جبکہ بچوں اور ان کے والدین نے ارباب اختیار سے فوری نوٹس لینے کا مطالبہ کیا ہے ۔
روزنامہ دنیا ایپ انسٹال کریں
