صحت مند معاشرے کے قیام میں کھیلوں کا فروغ ضروری ہے ، احتشام الحق ہمدانی
ساہیوال/سرگودھا(نمائندہ دنیا)ڈسٹرکٹ ایجوکیشن آفیسر سید احتشام الحق ہمدانی نے کہا ہے کہ صحت مند معاشرے کے قیام میں کھیلوں کا فروغ ضروری ہے اور تعلیمی ادارے اس میں نمایاں کردار ادا کر سکتے ہیں۔۔۔
ان خیالات کا اظہار انہوں نے گزشتہ روز ساہی وال میں سپورٹس گالا و تقریری مقابلہ جات میں پوزیشن ہولڈر مدارس کے طلباء میں انعامات کی تقسیم کے دوران کیا ، انہوں نے مختلف ایونٹس میں تحصیل سطح پر پوزیشن حاصل کرنے والے گورنمنٹ ایلیمنٹری سکول نمبر 3،گورنمنٹ مڈل سکول فروکہ، گورنمنٹ ایلیمنٹری سکول ٹھٹی راجو، گورنمنٹ پبلک مڈل سکول ساہی وال، گورنمنٹ پبلک سکول نورے والا کے طلباء اورہیڈ ٹیچرز میں ٹرافیاں تقسیم کیں۔
روزنامہ دنیا ایپ انسٹال کریں
