انڈس ہسپتال کی زیر سرپرستی ایک جامع تربیتی سیشن کا انعقاد
سرگودھا(سٹاف رپورٹر ) کنٹونمنٹ جنرل ہسپتال میں انڈس ہسپتال کی زیر سرپرستی ایک جامع تربیتی سیشن منعقد ہوا، جس میں ہسپتال کے عملے کو انفیکشن کنٹرول کے بنیادی اصولوں پر تربیت دی گئی۔
چیف ایگزیکٹو آفیسر راجہ اسد کی ہدایت پر منعقد کردہ اس تربیتی سیشن کا بنیادی مقصد ہسپتال کے عملے کو ضروری پروٹوکول اور بہترین مشقوں سے آگاہ کرنا تھا، تربیتی سیشن میں ہیلتھ کیئر عملے کے لیے خود کی دیکھ بھال، انفیکشن کی روک تھام، کچرا پر مؤثر پابندی اور آلات کی مناسب سٹیرلائزیشن جیسے اہم شعبوں پر خصوصی توجہ دی گئی۔اس تربیتی پروگرام کا مقصد ہسپتال کے عملے کے علم اور مہارت کو بڑھانا ہے ، جس سے مریضوں اور ہیلتھ کیئر ورکرز کے لیے ایک محفوظ ماحول یقینی بنایا جا سکے ۔
روزنامہ دنیا ایپ انسٹال کریں
