اٹلی کے نئے وزیراعظم

اٹلی ہفتوں سے سیاسی بحران میں سست روی کا شکار ہے ۔اطالوی وزیراعظم جوسپی کانٹے نے منگل کے روز اپنا استعفیٰ دینے کا اعلان کیا‘ جس کی وجہ سے اطالوی حکومت کا خاتمہ ہوا۔قیاس آرائیاں جاری ہیں کہ جوسپی کانٹے کا یہ اقدام ایک سیاسی چال ہے‘ جس کے تحت وہ اپنے دائیں بازو کے نائب میٹیو سالوینی کواکثریت حاصل کرنے اور زیادہ مضبوط بننے سے روکیں گے۔رواں ماہ کے شروع میں سالوینی حکومت کو گرانے کے لیے تحریک شروع کی گئی‘جبکہ کانٹے نے ان پر یہ الزام لگایا کہ وہ یہ کام اپنے سیاسی فائدے کے لیے کررہا ہے۔

جوسپی کانٹے نے استعفیٰ دینے کااعلان کرتے ہوئے ایک تقریر میں کہاکہ ''سالوینی صرف اپنے اور پارٹی کے مفادات کو مقدم رکھتا ہے۔ ان کے فیصلوں سے اس ملک کے لیے شدید خطرات لاحق ہیں‘‘۔یہ ایک ایسے جدید ترین ملک کا سیاسی ڈراما ہے‘ جس نے 2018ء کے انتخابات کے بعد حکومت بنانے کے لیے جدوجہد کی تھی اور یہاںپچھلے 10 سال میں چھ وزیراعظم تبدیل ہو چکے ہیں۔

سالوینی‘ پاپولسٹ لیگ پارٹی کے رہنما اور موجودہ وزیر داخلہ بھی ہیں۔ ان کی پارٹی کو اٹلی کے انتخابات میں تیسرے درجہ کی پارٹی ہے‘ جسے سب سے زیادہ ووٹ ملے تھے‘ لیکن انہوں نے 5 سٹار موومنٹ کے ساتھ مخلوط حکومت تشکیل دی۔ ان کی مقبولیت اس وقت سے بڑھ چکی‘ تاہم کم از کم جزوی طور پر ان کے تارکین ِوطن مخالف سخت موقف کی پاداش میں حالیہ رائے شماری نے ان کی پارٹی کو تقریباً 38 فیصد رائے دہندگان دی گئیں‘ جو اتحادی پارٹنر کے بغیر حکومت پر قابو پانے کے لیے کافی ہیں۔ وہ اس مقبولیت کو انتخابی کامیابی میں بدل سکتا ہے۔ادھربہت سارے قابل ِاعتماد منظر نامے ہیں۔اب سیاسی حریف میٹاریلا سیاسی رہنماؤں کی طرف رجوع کریں گے‘ جو ایک اور اتحاد تشکیل دے سکتے ہیں۔ جب آپشن ختم ہو جائیں گے‘ تب ہی انتخابات ممکن ہیں؛اگرچہ سالوینی اٹلی میں تیزی سے مقبول ہورہا ہے‘ لیکن پارلیمنٹ کے تمام دھڑے ان کے ساتھ جڑے ہوئے نہیں ۔

اس حوالے سے پچھلے کچھ دنوں سے ممکنہ طور پر نئے اتحادوں پر بحث کرنے کے لیے فریقین کا اجلاس ہوا ہے۔ فائیو سٹار موومنٹ‘ جو پارلیمنٹ کی سب سے بڑی جماعت ہے اور اتحادی جماعت کے ساتھی سالوینی کا دعویٰ ہے کہ وہ اب مزید کام نہیں کرسکتے۔ ڈیموکریٹک پارٹی کے ساتھ بات چیت کے لیے کھلا ہے۔ اگر انہوں نے اتحاد میں حکومت کی توجوسپی کانٹے وزیر اعظم رہیں گے۔

کئی سوالات جنم لے رہے ہیں‘کیا سالوینی نے غلط گنتی کی تھی؟ سالوینی کو یقین تھا کہ وہ حکومت کو تحلیل کرنے میں کامیاب ہو جائیں گے؟کوئی شک نہیں کہ وہ ووٹ کو متحرک کرنے اور جیتنے کے لیے لیگ کی مقبولیت میں اضافے کا استعمال کرسکتے ہیں۔ اگر نئے انتخابات ہوتے ہیں توسالوینی ممکنہ طور پر اپنے ساتھی دائیں بازو کے سیاستدان جیورجیا میلونی اور اس کے برادرز آف اٹلی پارٹی کے ساتھ اتحاد قائم کرنے کی کوشش کریں گے۔غیر ملکی میڈیا کے مطابق ‘ممکنہ طور پر دونوں پارٹیاں 40 فیصد قومی ووٹ حاصل کریں گی‘ جس سے انہیں حکومت بنانے کے لیے کافی نشستیں ملیں گی۔دوسری طرف‘ اگر فائیو سٹار اور ڈیموکریٹک پارٹی اتحاد میں حکومت کرنے پر راضی ہوجاتی ہے‘ تو سالوینی کی لیگ پارٹی حزب اختلاف میں واپس آجائے گی۔

واضح رہے کہ دونوں فریقوں نے پیر کو ملاقات بھی کی‘ لیکن کانٹے کی تقریر کے بعد خاموش ہیں۔ صورتحال اتنی خستہ ہے کہ میں موجودہ لیگ‘ 5 سٹار اتحاد کے دوبارہ اٹھنے سے بھی انکار نہیں کیا جا سکتا۔ ان پیچیدگیوں کے باعث‘ سالوینی پہلے ہی اپنے اتحادیوں کے شراکت داروں کے بارے میںموقف میں نرمی دکھائی ہے۔سالوینی کو امید تھی کہ 8 اگست کو اتحادیوں سے دستبرداری کے لیے ان کا سخت اقدام فوری طور پر حکومت کا خاتمہ کردے گا اور اس کے ساتھ ہی انتخابات کا مرحلہ شروع ہو جائے گا۔لیگ کے رہنما مئی کے بعد سے ہی یورپی پارلیمانی انتخابات میں اپنی پارٹی کی بڑھتی ہوئی مقبولیت کا فائدہ اٹھانے کی کوشش کر رہے ہیں‘ اٹلی کی پارلیمنٹ میں سالوینی کی پارٹی کئی جگہوں پر کمزور دکھائی دی ۔

مستعفی وزیراعظم کانٹے سراسر غلط نہیں ‘ سالوینی نے بڑے پیمانے پر اس سیاسی ڈرامے کی آرائش کی ہے۔سالوینی پر امید دکھائی دیتے ہیں‘وزیر اعظم کی دوڑ میں خود کو مضبوط امیدوار بھی سمجھتے ہیں۔ اٹلی میں ابھی مارچ 2018ء میں ہی انتخابات ہوئے تھے‘ اور ٹوٹے پھوٹے نتائج نے اینٹی اسٹیبلشمنٹ فائیو سٹار موومنٹ اور لیگ پارٹی کے مابین عجیب و غریب شادی پر مجبور کردیا۔ نئے سفر میں قائم ہونے والا یہ ایک نازک اتحاد تھا‘ دونوں کے رویوں اور سالوینی کے حالیہ پاور پلے کے مابین تقسیم نے اسے حال ہی میں ناقابل برداشت بنا دیا ہے۔

سالوینی نے اگست کے شروع میں حکومت کے لیے اپنی حمایت واپس لے لی اور اعتماد میں ووٹ لینے کا مطالبہ کیا‘ جس کی آج توقع کی جارہی ہے۔ لیکن کانٹے کے استعفیٰ نے ووٹ کو مؤثر انداز میں پیش کیا‘ ویسے بھی حکومت کے رہنے کا جواز نہیں بنتا۔کانٹے نے اس بحران کو متحرک کرنے کے لیے سالوینی کی غیر ذمہ دار کارروائیوں پر حملہ کیا‘ لیکن سالوینی نے منگل کو کہا کہ وہ سب کچھ پھر سے کریں گے۔