اے این ایف کا چھاپہ ،16کلو چرس برآمد،ملزم گرفتار
ملزم زاہد باجوڑ کا رہائشی،چھاپہ سیکٹر ایف11مرکز میں پٹرول پمپ کے قریب مارا گیا
اسلام آباد (خبر نگار)اے این ایف کی منشیات فروشوں کیخلاف اسلام آباد میں بڑی کارروائی ،16کلو چرس برآمد،ملزم کو گرفتار کر لیا۔ اے این ایف ریجنل ڈائریکٹوریٹ نارتھ نے منشیات سمگلنگ میں ملوث مجرم کو پکڑنے کے لئے آپریشن کیا، سیکٹر ایف 11مرکز میں اٹک پٹرول پمپ کے قریب چھاپہ مارا اور ایک شخص کو گرفتار کیا،ملزم زاہد ولد محمد خان پشت ، ضلع باجوڑ ایجنسی کا رہائشی ہے ، ملزم سے اعلیٰ معیارکی چرس کے 14 پیکٹ برآمد کئے گئے جن کا وزن سولہ کلو گرام ہے ، ملزم کے خلاف اے این ایف تھانے میں مقدمہ درج کر لیا گیا۔
روزنامہ دنیا ایپ انسٹال کریں
