خیبر پختونخوا: گاڑیوں کی یونیورسل نمبر پلیٹس شروع کرنے کا منصوبہ فائلوں میں دب گیا
تجارت
پشاور: (دنیا نیوز) خیبر پختونخوا میں گاڑیوں کی یونیورسل نمبر پلیٹس شروع کرنے کا منصوبہ فائلوں میں دب گیا، دو سال گزرنے کے باوجود منصوبے کے لیے عملی اقدامات نہ اٹھائے جاسکے۔ محکمہ ایکسائز نے ایکٹ میں ترامیم کے لیے سمری تیار کر لی گئی۔
محکمہ ایکسائز کی جانب سے صوبے کے ریونیو میں اضافے کے لیے یونیورسل نمبر جاری کرنے کا فیصلہ تو دو سال قبل کیا گیا تھا لیکن تاحال اس کےلیے اقدامات نہ اٹھائے جا سکے، شہریوں کا کہنا ہے کہ حکومت منصوبے کو شروع کرنے کے لیے اقدامات اٹھائے۔
دوسری جانب محکمہ ایکسائز حکام کا کہنا ہے کہ یونیورسل نمبر پلیٹس کے اجراء میں تکنیکی مسائل سمیت قانونی پیچیدگیوں کا بھی سامنا ہے، حکام کے مطابق قانونی مسائل کے حل کے لیے سمری تیار کرلی گئی ہے۔
خیبر پختونخوا میں 80 فیصد کے قریب گاڑیاں پنجاب اور دیگر صوبوں سے رجسٹرڈ کروائی جا رہی ہیں جس کے باعث ریونیو بھی دیگر صوبوں کو حاصل ہورہا ہے۔
