فی تولہ سونا مزید مہنگا
تجارت
لاہور: (ویب ڈیسک) ملک بھر میں ایک مرتبہ پھر فی تولہ سونے کی قیمت میں معمولی اضافہ ریکارڈ کیا گیا۔
تفصیلات کے مطابق بین الاقوامی مارکیٹ میں سونے کی قدر 3 ڈالر اضافے کے بعد ایک ہزار 822 ڈالرز فی اونس ہو گئی ہے۔
عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر جگہوں پر فی تولہ سونے کی قیمت میں 50 روپے کا اضافہ دیکھا گیا اور قیمت ایک لاکھ 25 ہزار 200 روپے ہوگئی ہے۔
دوسری طرف 10 گرام سونے کی قدر 42 روپے بڑھ کر ایک لاکھ 7 ہزار 338 روپے ہو گئی ہے۔
