نیوز الرٹ
  • بریکنگ :- کراچی:آپ سیاسی بیان بازی مت کریں،چیف جسٹس گلزاراحمد
  • بریکنگ :- کراچی:سیاسی بیان نہیں دےرہا،حقیقت بتارہاہوں،وزیراعلیٰ سندھ
  • بریکنگ :- ہم جس افسرکوتعینات کرتےہیں وفاق واپس بلالیتاہے،مرادعلی شاہ
  • بریکنگ :- ہماری حکومت سےپہلےفٹ پاتھ بھی لوگوں کودےدیئے،مرادعلی شاہ
  • بریکنگ :- وزیراعلیٰ سندھ مرادعلی شاہ سپریم کورٹ کراچی رجسٹری میں پیش
  • بریکنگ :- ہمارےپاس افسران کی کمی ہے،ایک افسر 4 کی جگہ کام کررہا،وزیراعلیٰ سندھ
Coronavirus Updates

قومی ٹیم 2023ء کا ون ڈے ورلڈکپ کا فائنل ضرور کھیلے گی: محمد حفیظ

کرکٹ

لاہور: (ویب ڈیسک) قومی ٹیم کے سینئر آل راؤنڈر اور پروفیسر کے لقب سے مشہور کرکٹر محمد حفیظ نے کہا ہے کہ قومی ٹیم 2023ء کا ون ڈے ورلڈکپ کا فائنل ضرور کھیلے گی۔

نجی ٹی وی سے خصوصی گفتگو کرتے ہوئے محمد حفیظ نے پیش گوئی کی کہ پاکستانی ٹیم 2023ء کا ون ڈے ورلڈکپ کا فائنل ضرور کھیلے گی۔ پاکستان کےعلاوہ فائنل فورمیں جانے والی دوسری ٹیم کے بارے میں کچھ نہیں بتا سکتا، 2023 کے ون ڈے ورلڈکپ کا خیال دل سے نکال دیا ہے مگر ورلڈکپ جیتنا میری زندگی کا خواب ہے اور خواہش ہے ایسی کارکردگی دکھاؤں جس سے پاکستانی ٹیم کو فتح حاصل ہو۔

اپنی بات کو جاری رکھتے ہوئے ان کا کہنا تھا کہ پاکستانی کرکٹرز نے ہر جگہ خود کو منوایا اور مشکل حالات میں بہترین انداز سے پرفارم کیا، ہمیں سپنرز پر تھوڑے کام کی ضرورت ہے، سپنرز کو پرفارمنس بہتر بنانا ہوگی، عماد وسیم اچھا سپنر ہے مگر اچھا پرفارمر نہیں ہے۔

انہوں نے کہا کہ کوچنگ کے بارے میں فی الحال نہیں سوچا، رمیزراجہ کرکٹ کوسمجھتےہیں ان کا چیئرمین بنناخوش آئند ہے اور میرا کوئی تنازع نہیں، اُن کی عزت کرتا ہوں، فوکس اس وقت صرف ورلڈکپ پر ہے، ہم ورلڈکپ میں بہترین پرفارمنس دینے کی کوشش کریں گے۔

بین الاقوامی ٹیموں کو پیغام دیتے ہوئے محمد حفیظ نے کہا کہ پاکستان ہر طرح سے ایک محفوظ ملک ہے، ہم نے مشکل حالات میں نیوزی لینڈ اور انگلینڈ میں کرکٹ کھیلی، جس نمبرپر بھیجا جاتا ہے وہاں سنچری کے لیے بالز کم ہوتے ہیں۔

ان کا کہنا تھا کہ پاکستان کی فیلڈنگ میں بہت زیادہ بہتری کی ضرورت ہے، اس کے ساتھ اگر اسپنرز پر بھی کام ہوگا تو ہم ون ڈے ورلڈکپ میں بہترین ٹیم کے طور پر سامنے آئیں گے۔ میں اپنی اہلیہ کو دو سال سے یہی کہہ رہا ہوں کہ ورلڈچیمپئن بننا ہے، 6 سالہ بیٹی ہر بار خواہش کا اظہار کرتی ہے جارحانہ بیٹنگ کروں اور ہر بال پر چھکا ماروں۔
 

Advertisement
روزنامہ دنیا ایپ انسٹال کریں