آئی سی سی ایوارڈ :رضوان ٹی 20، فاطمہ ثنا ایمرجنگ ویمن کرکٹر آف دی ایئر قرار
دبئی :(دنیا نیوز) پاکستان کرکٹ ٹیم کے وکٹ کیپر بلے باز محمد رضوان نے انٹرنیشنل کرکٹ کونسل (آئی سی سی) ٹی 20 اور فاطمہ ثنا نے ایمرجنگ ویمن کرکٹر آف دی ایئر کا ایوارڈ جیت لیا ہے۔
آئی سی سی کے مطابق پاکستان کے وکٹ کیپر بیٹر محمد رضوان ٹی 20 انٹرنیشنل کرکٹر آف دی ایئر قرار پائے ہیں، ان کو گزشتہ سال 1326 ٹی 20 انٹرنیشنل رنز بنانے پر سال کا بہترین کھلاڑی کا ایوارڈ دیا گیا۔
Sheer Consistency, indomitable spirit and some breathtaking knocks
— ICC (@ICC) January 23, 2022
2021 was memorable for Mohammad Rizwan
More https://t.co/9guq9xKOod pic.twitter.com/6VZo7aaRIA
محمد رضوان کا اس حوالے سے اپنے ویڈیو بیان میں کہنا ہے کہ دہری خوشی اس بات کی ہے کہ اس بار یہ ایوارڈ پاکستان کو ملا ہے، دنیا کی ٹاپ ٹیمز میں پاکستان کا نام آنا خوشی کی بات ہے۔
قومی وکٹ کیپر بیٹر کا کہنا تھا کہ ایوارڈ کاکریڈیٹ ٹیم مینجمنٹ، ساتھی کرکٹرز اور میرے کھیل کا جائزہ لینے والوں کو بھی جاتا ہے، سب کی محنت کی وجہ سے آج دنیا بھر میں پاکستان ٹیم کا نام ہے۔
آئی سی سی ویمنز ایسوسی ایٹ کرکٹر آف دی ایئر آسٹریا کی آندریا مائی زبیدہ قرار پائیں جبکہ آئی سی سی ایسوسی ایٹ کرکٹر آف دی ایئر کا ایوارڈ عمان کے ذیشان مقصود کے نام رہا۔
فاطمہ ثنا آئی سی سی ایوارڈ حاصل کرنے والی پہلی پاکستانی خاتون کرکٹر ہیں۔
A new star is born
— ICC (@ICC) January 23, 2022
Fatima Sana ruled the roost in 2021
More https://t.co/dO50jovOP2 pic.twitter.com/8fjFcxmFeG
انٹرنیشنل کرکٹ کونسل کی جانب سے اعزاز اپنے نام کرنے پر انہوں نے کہا کہ وہ ایوارڈ جیتنے پر خوش ہیں ۔
واضح رہے کہ فاطمہ ثنا ویمن ون ڈے پلیئر آف دی ایئر ایوارڈ کے لیے بھی نامزد ہیں ۔