بھارتی کمنٹیٹر بھی بابر اعظم، محمد رضوان اور شاہین شاہ آفریدی کے معترف
لاہور: (ویب ڈیسک) تعریف وہ جو دشمن کرے، بھارتی کرکٹ ٹیم کے سابق کھلاڑی اور معروف کمنٹیٹر ہرشا بھوگلے نے قومی ٹیم کے کھلاڑی بابر اعظم، محمد رضوان اور فاسٹ باؤلر شاہین شاہ آفریدی کی کارکردگی کی تعریف کر ڈالی۔
سماجی رابطے کی ویب سائٹ ٹویٹر پر اپنے ایک بیان میں معروف کمنٹیٹر نے کہا کہ پاکستانی کرکٹ ٹیم کے کپتان بابر اعظم اور نوجوان فاسٹ باؤلر شاہین شاہ آفریدی دنیائے کرکٹ کے دو بہترین ٹیلنٹ ہیں۔ آئی سی سی کی فہرست میں آنا اس کی بہترین مثال ہے۔
Babar Azam and Shaheen Afridi are two of the brightest talents in world cricket. The ICC honours list is just a reflection of that. And you can t do more than Rizwan did in T20 cricket. Encouraging signs for cricket in Pakistan.
— Harsha Bhogle (@bhogleharsha) January 24, 2022
اپنی بات کو جاری رکھتے ہوئے انہوں نے کہا کہ جو پاکستانی کرکٹ ٹیم کے وکٹ کیپر بلے باز محمد رضوان نے ٹی ٹونٹی میں کیا آپ اُس سے زیادہ نہیں کر سکتے۔ یہ چیزیں پاکستان میں کرکٹ کے لیے حوصلہ افزا ہیں۔