پاک زمبابوے ون ڈے سیریز کا پہلا میچ کل ہو گا، کھلاڑیوں کی بھرپور پریکٹس
بلاوائیو: (دنیا نیوز) پاک زمبابوے ون ڈے سیریز کا کل سے آغاز ہو گا، تین ون ڈے میچوں کی سیریز کا پہلا مقابلہ کل بلاوائیو میں کھیلا جائے گا۔
پاکستانی ٹیم کی پہلے ون ڈے کے لیے بھر پور تیاریاں جاری ہیں، قومی ٹیم نے گزشتہ روز بلاوائیو میں تین گھنٹے کا طویل ٹریننگ سیشن کیا۔
قومی ٹیم نے آج بھی پریکٹس سیشن میں حصہ لیا، پاکستان اور زمبابوے کے درمیان پہلا ون ڈے میچ کل پاکستانی وقت کے مطابق دوپہر ساڑھے 12 بجے شروع ہو گا۔
ون ڈے مقابلوں کے بعد تین ٹی ٹوئنٹی میچوں کی سیریز کا آغاز یکم دسمبر سے ہو گا۔
