نیوز الرٹ
  • بریکنگ :- بوسٹرڈوزکےآغازکےبارےمیں ابتدائی حکمت عملی تیار،ذرائع
  • بریکنگ :- کوروناویکسین بوسٹرڈوزلگانےکاآغازیکم دسمبرسےہوگا،ذرائع
  • بریکنگ :- کوروناویکسین بوسٹرڈوزمرحلہ وارلگائی جائےگی، ذرائع وزارت صحت
  • بریکنگ :- پہلےمرحلےمیں ہیلتھ کیئرورکرزکوبوسٹرڈوزلگائی جائےگی،ذرائع
  • بریکنگ :- پہلےمرحلےمیں 50 سال سےزائدعمرافرادکوبوسٹرڈوزلگائی جائےگی،ذرائع
  • بریکنگ :- پہلےفیزمیں کمزورقوت مدافعت والےافرادکوبوسٹرڈوزلگائی جائےگی،ذرائع
  • بریکنگ :- بوسٹرڈوزکیلئےویکسین کاانتخاب لگوانےوالےکی صوابدیدہوگی،ذرائع
  • بریکنگ :- حکومت کاکوروناویکسی نیشن کےحوالےسےبڑافیصلہ
  • بریکنگ :- حکومت کاکوروناویکسین کی بوسٹرڈوزکےآغازکافیصلہ،ذرائع
Coronavirus Updates

سی ٹی ڈی کی کارروائی،کالعدم ٹی ٹی پی کے کمانڈر سمیت 3دہشتگرد گرفتار

کرائم

اسلام آباد:(دنیا نیوز)انسداد دہشتگردی کے ادارے (سی ٹی ڈی)نے اسلام آباد سے کالعدم تحریک طالبان پاکستان کے کمانڈرسمیت تین دہشتگرد وں کوگرفتار کرلیا ہے ۔

کاؤنٹر ٹیرارزم دیپارٹمنٹ (سی ٹی ڈی ) نے وفاقی دارالحکومت میں بڑی کارروائی کرتے ہوئے کالعدم تحریک طالبان پاکستان (ٹی ٹی پی) کے کمانڈرسمیت 3 دہشتگردوں کو گرفتار کرلیا ہے جبکہ گرفتاری کے بعد اسلام آباد کی کاروباری شخصیات اور نجی تعلیمی ادارے سے کروڑوں روپےبھتہ مانگنے کا بھی انکشاف ہوا ہے۔

اسلام آباد میں پریس کانفرنس کرتے ہوئے ایس ایس پی سی ٹی ڈی ملک جمیل ظفر نے بتایا کہ گرفتار ملزمان کے کچھ ساتھی افغانستان میں موجود ہیں۔

ایس ایس پی سی ٹی ڈی کا کہنا تھا کہ شہریوں کی جان و مال کی حفاظت اولین ترجیح ہے جبکہ پولیس فورس کے لیے غفلت کی گنجائش نہیں۔۔

انہوں نے اپنی پریس کانفرنس میں مزید کہا کہ اسلام آباد میں کاروباری اور تعلیمی اداروں کو بھتہ کی پرچیاں ملیں، دھمکی آمیز کالز اور دس خطوط بھجوانے والے ملزمان کی تلاش شروع کی جبکہ خطوط سوات سے پوسٹ کئے گئے تھے۔

ایس ایس پی سی ٹی ڈی کا کہنا تھاکہ پولیس لائن کو بم سے اڑانے کے دھمکی آمیز خطوط بھیجنے والے تین دہشتگرد پکڑے ہیں جبکہ دہشتگردوں کے خط میں یہ لکھا گیا ہے کہ ہم نے یوسف رضا گیلانی کے بیٹے کو بھرے مجمع سے اٹھایا لیا تھا۔

ملک جمیل ظفر نے کہا کہ گرفتار ملزمان میں بخت شیریں ولد سلطان زریں، جان عالم ولد جام، محمد علی ولد عاقل بادشاہ شامل ہیں،ملزم بخت ٹی ٹی پی سوات کا کمانڈر بھی رہ چکا ہے اور ملزم سوات کے بعد دو سال تعویز گنڈے کا کام کرتا رہا ہے جبکہ ملزم کے کچھ ساتھی افغانستان میں بھی ہیں۔
 

Advertisement
روزنامہ دنیا ایپ انسٹال کریں