نیوز الرٹ
  • بریکنگ :- ہائی اسپیڈڈیزل کی قیمت 142روپے 62 پیسےفی لٹربرقرار،وزارت خزانہ
  • بریکنگ :- پٹرول کی فی لٹرقیمت 145روپے 82 پیسےبرقرار،نوٹیفکیشن
  • بریکنگ :- لائٹ ڈیزل کی قیمت 114روپے 7 پیسےفی لٹرکی سطح پربرقراررہےگی
  • بریکنگ :- مٹی کےتیل کی قیمت 116روپے 53 پیسےفی لٹربرقرار، نوٹیفکیشن
  • بریکنگ :- حکومت کاپٹرولیم مصنوعات کی قیمتیں برقراررکھنےکافیصلہ
  • بریکنگ :- اسلام آباد:وزارت خزانہ کی جانب سےنوٹیفکیشن جاری
Coronavirus Updates

پشاور سے 5 بین الاقوامی منشیات اسمگلر گرفتار، 10 کروڑ مالیت کی 80 کلوآئس برآمد

کرائم

پشاور: (دنیا نیوز) پشاور میں پولیس نے صوبے کی تاریخ میں آئس کیخلاف سب سے بڑی کارروائی کے دوران 5 بین الاقوامی آئس اسمگلروں کو گرفتار کر لیا، 10 کروڑ روپے مالیت کی 80 کلو آئس برآمد کرلی گئی۔

سی سی پی او پشاور عباس احسن کا میڈیا سے گفتگو میں کہنا تھا کہ صوبے کی تاریخ میں آئس کے خلاف بڑی کارروائی کی گئی جس کے دوران پشاور کے علاقے حیات آباد میں ایک مکان پر چھاپہ مارا گیا، کارروائی کے دوران 5 بین الاقوامی اسمگلروں کو گرفتار کیا گیا، دو ملزموں کا تعلق افغانستان ،3 کا بلوچستان سے ہے، ملزمان چمن کوئٹہ کے راستے افغانستان سے آئس اسمگل کرتے تھے،آئس پارسل کے ذریعے بیرونی ممالک کو بھی اسمگل کی جاتی تھی،ملزمان حیات آباد میں آئس منشیات کی پیکنگ کرتے تھے،ملزمان سے دو کاریں ،ڈیجیٹل سکیلز اور دیگر اشیاء بھی برآمد ہوئیں۔

سی سی پی او کے مطابق برآمد شدہ اشیاء کی مالیت 10 کروڑ روپے ہے، ملزمان نے جرم کا اعتراف کرتے ہوئے دیگر آئس اسمگلروں کی نشاندہی کردی جن کی گرفتاری کے لیے ٹیمیں تشکیل دیدی گئی ہیں۔
 

Advertisement
روزنامہ دنیا ایپ انسٹال کریں