کراچی: پولیس کی کارروائی ، سٹریٹ کرائم میں ملوث انتہائی مطلوب ملزم گرفتار
کراچی : (دنیانیوز) کراچی کے علاقے مبینہ ٹاؤن تھانےکی حدود میں پولیس نے کارروائی کرتے ہوئے سٹریٹ کرائم میں ملوث انتہائی مطلوب ملزم گرفتار کرلیا۔
پولیس کے مطابق ملزم نے کچھ ماہ قبل سچل کے علاقے بھکر گوٹھ میں بیکری میں ڈکیتی کی تھی، سنیپ چیکنگ کے دوران سٹریٹ کرمنل عمران عرف گلابی کو گرفتار کیا، ساتھی ملزم فرار ہوگیا۔
پولیس کا کہنا ہے کہ گرفتار ملزم سے ایک غیر قانونی پسٹل بمعہ ایمونیشن، سرقہ شدہ موٹرسائیکل اور نقد رقم برآمد ہوئی ، گرفتار ملزم کی نشاندہی پر چھینی ہوئی موٹر سائیکل بھی برآمد کی گئی ہے ۔
پولیس کے مطابق گرفتار ملزم کے خلاف ضابطے کے تحت مقدمہ درج ، فرار ملزم کی تلاش جاری ہے، گرفتار ملزم عادی جرائم پیشہ ہے،پہلے بھی گرفتار ہوکر جیل جا چکا ہے۔
