منڈی بہاؤالدین میں پولیس مقابلہ، اشتہاری ڈاکو مارا گیا
منڈی بہاؤالدین: (دنیا نیوز) ملکوال کے قریب پولیس اور ڈاکوؤں کے درمیان مقابلہ ہوا۔
پولیس حکام کے مطابق مقابلے میں اشتہاری ڈاکو عرفان عرف عرفانو ہلاک ہوگیا، پولیس پارٹی کے ناکہ پر روکنے کی کوشش پر ملزموں نے اندھا دھند فائرنگ شروع کر دی، جوابی کارروائی میں ملزم عرفان موقع پر مارا گیا جبکہ اس کے ساتھی فرار ہوگئے۔
مقابلے کی اطلاع پولیس کی بھاری نفری اور اعلیٰ حکام بھی موقع پر پہنچ گئے، پولیس کے مطابق ہلاک ڈاکو ڈکیتی سمیت 18 مقدمات میں ملوث تھا۔
