ایبٹ آباد: اغوا کے بعد قتل کی گئی ڈاکٹر وردا سپرد خاک، مرکزی ملزمہ کی نشاندہی پر 3 ملزم گرفتار
ایبٹ آباد: (دنیا نیوز) ایبٹ آباد میں اغوا کے بعد قتل کی گئی ڈاکٹر وردا کی پوسٹ مارٹم کے بعد تدفین کر دی گئی۔
ڈاکٹر وردا کی نماز جنازہ میں اہلخانہ، رشتہ داروں اور شہریوں کی بڑی تعداد میں شرکت کی، لاش مقتولہ کی دوست اور کرائے کے قاتل کی نشاندہی پر ٹھنڈیانی کے جنگل سے ملی، ڈاکٹر وردا نے 67 تولے سونا اپنی دوست ردا کے پاس بطور امانت رکھا ہوا تھا۔
ملزمہ نے 67 تولے سونا ہتھیانے کیلئے دوست ڈاکٹر کو کرائے کے قاتلوں کے حوالے کیا، ملزمہ خاتون کی نشاندہی پر اجرتی قاتل سمیت 3 ملزم گرفتار کر لئے گئے، مرکزی ملزم فرار ہوگیا۔
ڈاکٹرز ایسوسی ایشن نے احتجاج کرتے ہوئے کہا کہ پولیس بروقت کارروائی کرتی تو لیڈی ڈاکٹر کی زندگی بچ سکتی تھی۔
