عمر شریف کو علاج کیلئے امریکا کا ویزا مل گیا: مرتضی وہاب
تفریح
کراچی: (دنیا نیوز) ترجمان سندھ حکومت مرتضی وہاب کا کہنا ہے کہ علیل اداکار عمر شریف کو علاج کیلئے امریکہ کا ویزہ مل گیا ہے۔
مرتضی وہاب نے اپنے ٹویٹر پیغام میں عمرشریف کے ویزے کے اجرا میں تعاون پر امریکی قونصلیٹ کا شکریہ ادا کیا۔ انہوں نے عمر شریف کو برصغیر کاعظیم کامیڈین قرار دیتے ہوئے جلد صحت یابی کی دعا بھی کی۔
Even happier to inform that visa has been issued just now. Thank u to the team at US Consulate for the support extended https://t.co/nC8RnCSSZa
— Murtaza Wahab Siddiqui (@murtazawahab1) September 16, 2021
اس سے قبل سندھ حکومت نے اداکار کے علاج کے لیے رقم بھی جاری کی تھی، محکمہ خزانہ سندھ کے نوٹیفکیشن کے مطابق کامیڈین کے علاج کے لیے چار کروڑ روپے کی رقم جاری کی گئی۔ سندھ حکومت نے عمر شریف کیلئے ایئر ایمبولینس کا بندوبست بھی کر رکھا ہے۔
یاد رہے کہ وفاقی حکومت نے بھی عمر شریف کا علاج کرانے کے لیے بھرپور مدد کا اعلان کیا تھا۔
