نیوز الرٹ
  • بریکنگ :- نیوزی لینڈکی جانب سےسکیورٹی خدشات،پاکستان کےساتھ سیریزمنسوخ
  • بریکنگ :- فیصلہ پاکستان اورنیوزی لینڈ حکام نےمتفقہ طورپرکیا،پی سی بی
  • بریکنگ :- وزیراعظم نےنیوزی لینڈکی ہم منصب کوبھرپوریقین دہانی کرائی تھی،پی سی بی
  • بریکنگ :- وزیراعظم نےیقین دہانی کرائی تھی مہمان ٹیم کوکوئی خطرہ نہیں،پی سی بی
  • بریکنگ :- نیوزی لینڈحکام کی جانب سےسکیورٹی خدشات کااظہارکیاگیا،پی سی بی
Coronavirus Updates

کراچی میں کورونا کا پھیلاؤ بڑھنے لگا، مکمل لاک ڈاؤن لگنے کا امکان

پاکستان

کراچی: (دنیا نیوز) شہر قائد کراچی میں کورونا وائرس کے پھیلاؤ کو روکنے کے لئے مختلف فیصلوں پر غور کیا جا رہا ہے۔ دنیا نیوز کے مطابق صورتحال کے پیش نظر مکمل لاک ڈاؤن لگنے کا امکان ہے۔

اس کے علاوہ عمومی نوعیت کے پیداواری صنعتی یونٹس، مارکیٹیں اور ٹرانسپورٹ سروس بھی بند کرنے کی تجویز زیر غور ہے۔ کورونا ایس اوپیز پر عملدرآمد کے لئے وفاقی قانون نافذ کرنے والے اداروں کی مدد لی جائے گی۔

ذرائع کا کہنا ہے کہ کراچی میں کورونا کے پھیلاو کو روکنے کے لئے اہم اقدامات کی منظوری ٹاسک فورس دے گی۔ سندھ حکومت نے بڑے فیصلوں سے قبل سیاسی جماعتوں اور تاجر تنظیموں سے مشاورت مکمل کر لی ہے۔

جمعے کے روز کورونا ٹاسک فورس اجلاس میں تمام پارلیمانی جماعتوں کو بھی مدعو کیا گیا ہے جبکہ تاجروں اور صنعتکاروں کے نمائندے بھی ٹاسک فورس اجلاس میں شریک ہونگے۔

اعلیٰ عسکری حکام اور سول انتظامیہ کے سینئر افسران بھی صورت حال سے آگاہ کرینگے۔ پی ٹی آئی، جی ڈی اے، ایم کیو ایم اور جماعت اسلامی کے پارلیمانی لیڈرز بھی اجلاس میں مدعو ہیں۔ مکمل لاک ڈاؤن یا سخت ترین پابندیوں سے متعلق حتمی فیصلہ ٹاسک فورس اجلاس میں ہوگا۔
 

Advertisement
روزنامہ دنیا ایپ انسٹال کریں