نیوز الرٹ
  • بریکنگ :- بلوچستان کےعلاقےمچھ میں سیکیورٹی فورسزکی چوکی پرحملہ
  • بریکنگ :- ایف سی جوانوں کی جانب سے جوابی فائرنگ ،آئی ایس پی آر
  • بریکنگ :- فائرنگ کےتبادلےمیں سپاہی عرفان شہید،2 جوان زخمی،آئی ایس پی آر
  • بریکنگ :- پاک فوج دہشتگردوں کی بزدلانہ کارروائیاں ناکام بنانےکیلئےپرعزم ہے،آئی ایس پی آر
  • بریکنگ :- دہشتگردوں کوامن خراب کرنےکی اجازت نہیں دی جائےگی،آئی ایس پی آر
Coronavirus Updates

لیسکو کا بوسیدہ نظام موت بانٹنے لگا، 3 ملازم کرنٹ لگنے سے جاں بحق

پاکستان

لاہور: (دنیا نیوز) لیسکو کا بوسیدہ ڈسٹری بیوشن نظام شہریوں کیساتھ لائن سٹاف میں بھی موت بانٹنے لگا، چوبیس گھنٹوں میں 3 ملازم کرنٹ لگنے سے جاں بحق، ایک شدید زخمی ہو گیا۔

تفصیل کے مطابق لاہور کے علاقے مصطفیٰ ٹاؤن سب ڈویژن کا لائن مین ریاست علی دوران کام پول سے گر کر جاں بحق ہو گیا۔ گزشتہ رات سمن آباد سب ڈویژن کا لائن مین رانا کاشف کرنٹ لگنے سے جاں بحق ہوا۔

کوٹ خواجہ سعید کے علاقہ میں دوران کام 2 لیسکو ملازمین کرنٹ لگنے سے جھلس گئے۔ اسسٹنٹ لائن مین ظفر خان زخموں کی تاب نہ لاتے ہوئے آج خالق حقیقی سے جا ملے۔

لائن سٹاف کا کہنا ہے کہ لیسکو میں سٹاف کی قلت کے باعث ملازمین پر کام کا شدید بوجھ ہے۔ سٹاف نہ ہونے کی وجہ سے ایک لائن مین کو دو سے تین افراد کا کام کرنا پڑ رہا ہے۔ افسران کے دباؤ کی وجہ سے لائن سٹاف شدید پریشانی کا شکار ہیں۔

سمن آباد کے علاقہ میں کرنٹ لگنے سے جاں بحق ہونے والے لائن مین رانا کاشف کی نماز جنازہ گلشن راوی جامعہ مسجد میں ادا کر دی گئی جس میں سپرنٹنڈنگ انجینئر سیکنڈ سرکل چودھری رشید سمیت تمام افسران اور یونین کے عہدیداروں نے شرکت کی۔
 

Advertisement
روزنامہ دنیا ایپ انسٹال کریں