نیوز الرٹ
  • بریکنگ :- صدرمملکت آج صبح ایک تقریب کی میزبانی کریں گے،وزیراعظم
  • بریکنگ :- کنونشن سینٹرمیں منعقدکی گئی تقریب میں شرکت کروں گا،وزیراعظم
  • بریکنگ :- وزیراعظم عمران خان نےبنی گالہ گھرکی ویڈیوشیئرکردی
  • بریکنگ :- ملک بھرمیں آج اپنےنبی ﷺکی ولادت کادن منائیں گے،وزیراعظم
Coronavirus Updates

پیپلزپارٹی کے زیر اہتمام پٹرولیم مصنوعات کی قیمتوں میں اضافے کیخلاف احتجاج

پاکستان

گوجرانوالہ: (دنیا نیوز) پٹرولیم مصنوعات کی قیمتوں میں اضافہ، مہنگائی اور بے روزگاری کے خلاف پیپلزپارٹی نے پریس کلب کے باہر احتجاجی مظاہرہ کیا، مظاہرین نے قیمتوں میں اضافہ کے خلاف شدید نعرے بازی کی۔

پیپلزپارٹی سٹی تنظیم کے زیر اہتمام پٹرولیم مصنوعات کی قیمتوں میں اضافہ کے خلاف ماڈل ٹاؤن سے ریلی نکالی گئی جو کہ پریس کلب کے باہر پہنچی، جہاں جیالوں نے مہنگائی، بجلی و گیس اور پٹرولیم مصنوعات کی قیمتوں میں اضافہ کے خلاف شدید احتجاج کیا۔ مظاہرین نے ہاتھوں میں بینرز اور کتبے اٹھا رکھے تھے، جن پر حکومت مخالف نعرے درج تھے۔

مظاہرے کی قیادت پیپلزپارٹی کے سٹی صدر ودود حسن ڈار کر رہے تھے۔ ان کا کہنا تھا کہ پٹرولیم مصنوعات کی قیمتوں میں اضافہ نااہل سلیکٹڈ حکومت پاکستان کے غریب عوام کو روز بروز مہنگائی کر کے خود کشیوں پر مجبور کر رہی ہے، آج حکومت کی عوام دشمن پالیسیوں کی وجہ سے آٹا، گھی، چینی اور بنیادی ضروریات زندگی عوام کی پہنچ سے باہر ہو چکی، عوام فاقوں پر مجبور ہو چکی ہے۔

 

Advertisement
روزنامہ دنیا ایپ انسٹال کریں