پاکستان فائنل میں بھارت کا مقابلے کرنے کیلئے تیار ہے:ثقلین مشتاق
کرکٹ
دبئی:(دنیا نیوز)پاکستان کرکٹ ٹیم کے ہیڈ کوچ ثقلین مشتاق نے کہا ہےکہ اگر انڈیا کی ٹیم فائنل میں پہنچتی ہے تو پاکستان فائنل میں بھارت کا مقابلے کرنے کیلئے تیار ہے۔
ہیڈ کوچ قومی کرکٹ ثقلین مشتاق نے دبئی سے ورچوئل پریس کانفرنس میں ٹی20ورلڈ کپ میں کل افغانستان کے خلاف پاکستان کے میچ کے حوالے سے بات کرتے ہوئے کہا کہ افغانستان کے سپنرز بہت اچھے ہیں ، ہمیں پلان کے مطابق کھیلنا ہوگا جبکہ ہمیں افغانستان کے خلاف اسی طرح کھیلنا پڑے گا جیسے انڈیا اور نیوزی لینڈ کے خلاف کھیلا۔
ثقلین مشتاق نے مزید کہا فخر زمان کی فارم کے حوالے سے پریشان نہیں اور نہ ہی ان کی پوزیشن تبدیل کریں گے ، جیت اور ہار ہمارے ہاتھ میں نہیں، ہم صرف کوشش کر سکتے ۔
ہیڈ کوچ قومی ٹیم نے مزید کہا کہ اگر انڈیا فائنل میں پہنچتی ہے تو پاکستان فائنل میں بھارت کا مقابلے کرنے کے لیئے تیار ہے ۔
واضح رہے کہ پاکستانی ٹیم میگا ایونٹ میں اپنا تیسرا میچ کل افغانستان کے خلاف دبئی کے انٹرنینشل کرکٹ سٹیڈیم میں کھیلے گی جبکہ گرین شرٹس نے اپنے پہلے دومیچوں میں بھارت اور نیوزی لینڈ کو شکست دیکر سیمی فائنل میں پہنچنے کی راہ ہموار کرلی ہے۔
