شعیب ملک کی اہلیہ ثانیہ مرزا کراچی کی بریانی کی دیوانی نکلیں
کھیل
لاہور: (ویب ڈیسک) قومی ٹیم کے سینئر آل راؤنڈر شعیب ملک کی بھارتی اہلیہ ثانیہ مرزا کراچی کی بریانی کی دیوانی ہوگئیں۔
ثانیہ مرزا ان دنوں شوہر کرکٹر شعیب ملک کے ہمراہ پرفیوم لانچنگ کی تقریب کے سلسلے میں پاکستان میں موجود ہیں اور مختلف جگہوں کا دورہ کررہی ہیں۔ حال ہی میں انہوں نے اپنے شوہر کے ہمراہ کراچی کے ایک نجی مال کا دورہ کیا جہاں ان کی آمد کا سن کر ان کے پرستار بڑی تعداد میں پہنچ گئے۔
مال میں لوگوں سے بات کرتے ہوئے ثانیہ مرزا نے کراچی کی آلو والی بریانی کی تعریف کی۔ اس موقع پر میزبان نے ان سے پوچھا کیا آپ نے کراچی کی بریانی کھائی ہے کیسی لگی آپ کو ہماری کراچی کی بریانی؟
ثانیہ مرزا نے جواب دیا میں حیدرآباد (بھارتی شہر) سے ہوں جہاں کی بریانی بہت مشہور ہے لہذا جب میں کہہ رہی ہوں کہ کراچی کی بریانی بہت اچھی ہے، تو بہت اچھی ہے۔
واضح رہے کہ اس سے قبل ثانیہ مرزا نے لاہور کے ایک مال کے دورے کے دوران کہا تھا لاہور، لاہور اے یہاں آکر ہمیشہ بہت پیار ملا۔
دوسری طرف رثانیہ مرزا نے لاہورکے نشتر پارک سپورٹس کمپلیکس کے ٹینس کورٹ میں پریکٹس کی۔انہوں نے پاکستان کے انٹرنیشنل ٹینس اسٹار اعصام الحق اورعقیل خان کیساتھ 2 گھنٹے سٹیٹ آف دی آرٹ ٹینس کورٹ میں پریکٹس کی۔
ثانیہ مرزا کا کہنا تھا کہ سپورٹس بورڈ نے شاندار ٹینس کورٹ بنایا ہے۔ ٹینس کورٹ میں عالمی معیار کی سہولیات دیکھ کر خوشی ہوئی۔ ٹینس کورٹ میں پریکٹس کرکے لطف آیا۔ ٹینس کورٹ کی سہولیات سے ٹینس کے کھیل کو فروغ ملے گا۔
Tennis star @MirzaSania practices on the tennis court at Nishtar Park Sports Complex. Practiced with Pakistan s international tennis star @aisamhqureshi and Aqeel Khan. She said the @Sports_BoardPB has built a magnificent tennis court.@RaiTaimoorPTI #SaniaMirza #Tennis pic.twitter.com/y10uHAwUuj
— Qadir Khawaja (@iamqadirkhawaja) November 30, 2021
ثانیہ مرزا نے ڈپٹی ڈائریکٹرا سپورٹس چاند پروین اور پی آراو عبدالرؤف سے گفتگو کی۔ ایڈمنسٹریٹر ٹینس کورٹ رحمت اللہ بھی اس موقع پر موجود تھے۔
