نیوز الرٹ
  • بریکنگ :- کس حیثیت سےسڑکوں پرنکلنےکادعویٰ کررہےہیں،عطاتارڑ
  • بریکنگ :- عمران خان کواپنےہی ساتھیوں کی سپورٹ حاصل نہیں،عطاتارڑ
  • بریکنگ :- پاکستان کی عوام آپ کیخلاف واضح فیصلہ دےچکی،عطاتارڑ
  • بریکنگ :- یہ سرکاری مشینری کوہٹائیں اورعوام سےآکربات کریں،عطاتارڑ
  • بریکنگ :- لاہور:زمینی حقائق جاننےکیلئےان کووقت لگےگا،عطاتارڑ
  • بریکنگ :- لاہور:ان کی کارکردگی سرے سےتھی ہی نہیں،عطاتارڑ
  • بریکنگ :- کارکردگی ٹھیک نہ ہونےکی بنیادپرشہزاداکبرسےاستعفیٰ لیاگیا،عطاتارڑ
Coronavirus Updates

سانحہ سیالکوٹ نے ہمارا سر شرم سے جھکا دیا: وزیراعظم عمران خان

پاکستان

اسلام آباد: (دنیا نیوز) وزیراعظم نے کہا ہے کہ سانحہ سیالکوٹ نے ہمارا سر شرم سے جھکا دیا ہے، ملزمان کو قرار واقعی سزا یقینی بنائی جائے۔

وزیراعظم عمران خان کی زیرصدارت ملک میں امن وامان کے حوالے سے اجلاس ہوا، جس میں وزیرداخلہ شیخ رشید اور وزیراعلیٰ پنجاب سمیت اہم شخصیات نے شرکت کی۔

 اجلاس میں ملک کی مجموعی امن وامان کی صورتحال کا جائزہ لیا گیا، اور وزیراعظم عمران خان کو سیالکوٹ واقعہ پر بریفنگ دی گئی اور رپورٹ پیش کی گئی، جب کہ وزیر اعظم کے مشیر قومی سلامتی معید یوسف نے ارکان کو قومی سلامتی پالیسی پر بریفنگ دی ۔

وزیراعظم عمران خان نے ہدایت کی کہ سانحہ سیالکوٹ نے ہمارا سر شرم سے جھکا دیا ہے، ملزمان کو قرار واقعی سزا یقینی بنائی جائے، آئندہ اس قسم کے واقعات کی روک تھام کے لیے جامع حکمت عملی بنائی جائے۔

عرب میڈیا سے گفتگو کرتے ہوئے پریانتھا کمارا کے بھائی کمال کمارا نے کہا کہ سری لنکن حکومت مقتول کی مالی امداد کے لئے پاکستان حکومت اورفیکٹری مالک سے رابطہ کرے۔ مقتول کے پسماندگان تنہا ہوگئے ، دوبچوں کو تعلیم حاصل کرنی ہے۔

اپنی بات کو جاری رکھتے ہوئے ان کا کہنا تھا کہ مقتول حملہ آوروں سے کہوں گا ایسے غیر انسانی حملے مت کرو، ہم سب انسان ہیں، ایک دوسرے کےمذہب کا احترام کرنا چاہیے۔

انٹرویو کے دوران انہوں نے مطالبہ کیا کہ ہمیں امید ہے وزیر اعظم پاکستان حملہ آوروں کے خلاف سنجیدہ اقدام کریں گے۔

وفاقی وزیر داخلہ شیخ رشید احمد نے سری لنکن ہائی کمیشن اسلام آباد کا دورہ کیا اور ہائی کمشنر وائس ایڈمرل موہن وجے کرما سے ملاقات کی۔


وفاقی وزیر داخلہ نے سماجی رابطے کی ویب سائٹ ٹویٹر پر بتایا کہ سیالکوٹ فیکٹری حادثہ میں سری لنکا کے شہری پریانتھا کمارا کی ہلاکت پر تعزیت کا اظہار کیا اور افسوسناک واقعے پرحکومت اور پاکستانی عوام کی طرف سے افسوس اور دکھ کا اظہار کیا۔

انہوں نے کہا کہ پریانتھا کماراکی افسوسناک موت پر پاکستانی عوام سوگوار ہے۔ حکومت اور پاکستانی عوام پرنتھار کماراکی ہلاکت پر خاندان کے غم میں برابر کے شریک ہیں۔ سانحہ سیالکوٹ واقعے میں ملوث تمام مجرمان کو قانون کے کٹہرے میں لائینگے۔ اس واقعے میں ملوث کسی بھی شخص سے رعایت نہیں برتی جائیگی۔ ہلاکت میں ملوث تمام مجرمان کو حکومت مثالی سزا دلائے گی۔


اس موقع پر سری لنکن ہائی کمشنر نے کہا کہ پریانتھا کمارا کی ہلاکت پر حکومت اور پاکستانی عوام کے ردعمل پر بہت مطمئن ہیں، افسوسناک حادثے پر عوام کے جذبات کو قدر کی نگاہ سے دیکھتے ہیں۔ پاکستان اور سری لنکا کے تعلقات انتہائی دیرینہ ہیں۔ حالیہ واقعے سے متاثر نہیں ہونگے۔ نعش سرکاری اعزاز کے ساتھ سری لنکا رخصت کرنے پر حکومت پاکستان کے مشکور ہیں۔

پی ٹی آئی قیادت نے سری لنکن ہائی کمیشن جاکر سیالکوٹ واقعہ پر اظہار تعزیت کیا۔ وفد کی قیادت جنرل ریٹائرڈ خالد نعیم لودھی نے کی۔ وفد نے کہا کہ سری لنکن مینجر کے قتل کا واقعہ انتہائی افسوسناک ہے، دکھ کا اظہار الفاظ میں ممکن نہیں، پوری قوم اس واقعے کی بھرپور مذمت کرتی ہے، پوری پاکستانی قوم سری لنکن منیجر کے قتل پر رنجیدہ ہے۔

 پاکستان تحریک انصاف کے وفد نے سری لنکن حکام کو یقین دلایا کہ اس جرم میں شامل ہر ایک شخص کو انصاف کے کٹہرے میں لایا جائے گا اور ذمہ دران کو پاکستانی قانون کے مطابق سخت سے سخت سزا دی جائے گی۔

سری لنکا کے ہائی کمشنر نے کہا کہ ملزمان کے خلاف پاکستان کی فوری کارروائی سے یقین ہے کہ متاثرہ خاندان کو انصاف ملے گا۔ پاکستان کے ساتھ ہمارے تعلقات بہترین رہے ہیں، ان پر کوئی آنچ نہیں آئے گی۔

ادھر سیالکوٹ واقعہ میں جاں بحق ہونے والے سری لنکن شہری پریانتھاکی لاش سری لنکا بھجوا دی گئی۔ لاہور ائیر پورٹ پر مشیر وزیر اعظم طاہر اشرفی اور صوبائی وزیر اقلیتی امور اعجاز عالم نے لاش کو جہاز تک پہنچایا۔ سری لنکن باشندے کی لاش سری لنکن ائیر لائن یو ایل 186 کے ذریعے کولمبو روانہ کی گئی۔

لاہور ائیر پورٹ پر صوبائی وزیر برائے اقلیتی امور اعجاز عالم، سری لنکن سفارت خانے کے نمائندے، فارن آفس کے افسران اور متعلقہ ادارے کے لوگ موجود تھے۔

لاہور ائیرپورٹ کے باہر میڈیا سے گفتگو کرتے وزیر اعظم کے مشیر برائے مذہبی امور طاہر اشرفی نے واقعے کی مذمت کرتے ہوئے کہا کہ ذمہ داروں کو کیفر کردار تک پہنچایا جائے گا، سری لنکن حکومت کو یقین دلاتے ہیں کہ انصاف کیا جائے گا۔ 

Advertisement
روزنامہ دنیا ایپ انسٹال کریں