دفاعی نمائش آئیڈیاز 2024 اختتام پذیر، 300 سے زائد مندوبین کی شرکت
کراچی: (دنیا نیوز) کراچی میں منعقد بین الاقوامی دفاعی نمائش آئیڈیاز 2024 ختم ہو گئی، 53 ممالک کے 300 سے زائد مندوبین نے شرکت کی۔
بزنس ٹو بزنس میٹنگز میں کئی مفاہمت کی یادداشتوں پر دستخط ہوئے، پاکستانی ساختہ جدید ترین ٹینک ’’حیدر‘‘ اور ڈرون ’’شہپر‘‘ غیرملکیوں کی توجہ کا مرکز رہے۔
اختتامی تقریب کے مہمان خصوصی لیفٹیننٹ جنرل ریٹائرڈ چراغ حیدر نے کہا کہ دفاعی نمائش نے قومی اور بین الاقوامی ڈیفنس پروڈیوسرز کے درمیان رابطے کا بہترین موقع فراہم کیا۔
انہوں نے کہا ہے کہ ہمارے عسکری و سامان حرب کو دنیا میں خوب پذیرائی ملی، ساحل سمندر پر میرینز ڈرل، انسداد دہشت گردی کی مشقوں، فری فال جمپس اور پاک آرمی اور پاک بحریہ کے مشترکہ فضائی مظاہرے ہوئے۔
واضح رہے کہ بین الاقوامی دفاعی نمائش آئیڈیاز 2024 میں شہریوں کے لیے رنگا رنگ کراچی ٹرائی سروسز شو منعقد کیا گیا۔
