یورپ کیلئے پروازوں پر عائد پابندی ختم، ایاسا نے پی آئی اے انتظامیہ کو آگاہ کردیا
کراچی: (ویب ڈیسک) یورپی ایئر سیفٹی ایجنسی (ایاسا) نے یورپ کیلئے پروازوں پر عائد پابندی ختم کرنے کے حوالے سے وزرات ہوابازی اور پی ائی اے انتظامیہ کو باضابطہ آگاہ کردیا۔
ترجمان پی آئی اے کے مطابق ایاسا نے پی آئی اے کی ٹیم اور انتظامیہ کو ان کے سخت ترین سٹینڈرڈز پرپورے اترنے پر مبارک باد دی، پی آئی اے ایاسا اور ان کے قوانین اور ضابطوں پر مکمل عمل پیرا رہے گا۔
پی آئی اے انتظامیہ نے گزشتہ 4 سال کی انتھک محنت کے بعد یہ اہم سنگ میل عبور کیا، اس پابندی کے بعد پوری قوم اب یورپی سیکٹرز پر دوبارہ اپنی قومی ایئرلائن پر براہ راست سفر کر سکے گی۔
ترجمان پی آئی اے کا کہنا ہے کہ پابندی کا اٹھ جانا پی آئی اے کے فضائی حفاظتی ضابطوں پر کاربند رہنے کا منہ بولتا ثبوت ہے۔
