پاک بحریہ کے جہاز پی این ایس معاون کا افریقی ملک سیشلز کا دورہ
راولپنڈی: (دنیا نیوز) پاک فوج کے شعبہ تعلقات عامہ کے مطابق پاک بحریہ کے جہاز پی این ایس معاون نے مشرقی افریقہ میں تعیناتی کے دوران افریقی ملک سیشلز کا دورہ کیا۔
آئی ایس پی آر کے مطابق بندرگاہ وکٹوریہ آمد پر پی این ایس معاون کا میزبان ملک کے اعلیٰ حکام نے پرتپاک استقبال کیا۔
.jpg)
کمانڈنگ آفیسر پی این ایس معاون کی سیشلز کے اعلیٰ سول و عسکری حکام سے اہم ملاقاتیں ہوئی، ملاقاتوں کے دوران پاکستان اور سیشلز کے مابین موجودہ تعلقات اور تعاون کو مزید بڑھانے کے مواقع پر تبادلہ خیال کیا گیا۔
آئی ایس پی آر کے مطابق کمانڈنگ آفیسر نے چیف آف نیول سٹاف ایڈمرل نوید اشرف کی طرف سے میزبان ملک کے عوام کے لیے نیک خواہشات کا اظہار کیا۔
.jpg)
پاک فوج کے شعبہ تعلقات عامہ کے مطابق پی این ایس معاون کے مشرقی افریقہ کے دورہ سے پاکستان اور افریقی ممالک کے مابین تعلقات کو مزید تقویت ملے گی۔
