شدید دھند، موٹر وے ایم 2، ایم 3، ایم 4 مختلف مقامات سے ٹریفک کیلئے بند
لاہور: (دنیا نیوز) شدید دھند کے باعث موٹر وے ایم 2، ایم 3، ایم 4 کو مختلف مقامات سے ٹریفک کیلئے بند کر دیا گیا۔
ترجمان موٹر وے پولیس سید عمران احمد نے بتایا کہ موٹروے ایم 2 کو لاہور سے کوٹ مومن، ایم 3 کو لاہور سے سمندری جبکہ ایم 4 کو پنڈی بھٹیاں سے عبد الحکیم تک دھند کی وجہ سے بند کر دیا گیا ہے۔
عمران احمد نے کہا کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے، شہری زیادہ سے زیادہ دن کے اوقات میں سفر کرنے کو ترجیح دیں۔
انہوں نے کہا کہ دھند کے موسم میں صبح 10 سے شام 6 بجے بہترین سفری اوقات ہیں، ڈرائیور حضرات گاڑی کے آگے اور پیچھے دھند والی لائٹس کا استعمال کر یں۔
ترجمان موٹروے پولیس کا کہنا تھا کہ عوام غیر ضروری سفر سے گریز، تیز رفتاری سے پرہیز کریں اور اگلی گاڑی سے مناسب فاصلہ رکھیں، معلومات اور مدد کے لیے ہیلپ لائن 130 سے رابطہ کریں۔
