ٹوبہ ٹیک سنگھ: ٹریفک حادثے میں قومی کبڈی کے کھلاڑی جاں بحق
کھیل
ٹوبہ ٹیک سنگھ: (دنیا نیوز) ٹوبہ ٹیک سنگھ گوجرہ روڑ پر ٹریفک حادثے میں انٹر نیشنل پاکستان کبڈی ٹیم کے موجودہ کھلاڑی شکیل جٹ جاں بحق ہو گئے۔
ٹوبہ ٹیک سنگھ گوجرہ روڑ پر ٹرک کی موٹر سائیکل کو ٹکر حادثے کے نتیجے میں انٹر نیشنل کبڈی پلیئر شکیل جٹ جاں بحق اور ان کادوست شدید زخمی ہو گیا۔ حادثہ کی اطلاع ملتے ہی ریسکیو 1122 اور شہریوں کی کثیر تعداد موقع پر پہنچ گئی۔
ریسکیو 1122 نے لاش اور زخمی کو ڈی ایچ کیو ہسپتال منتقل کر دیا، شکیل جٹ کا تعلق ٹوبہ کے نواحی چک 320 ج ب سے ہے وہ مسلسل پانچ سال سے قومی کبڈی ٹیم میں کھیل رہے تھے۔
