نیوز الرٹ
  • بریکنگ :- نیوزی لینڈ کرکٹ ٹیم کی واپسی کےمعاملےپرکرس گیل کاٹویٹ
  • بریکنگ :- میں پاکستان جارہا ہوں ،کون چلےگامیرے ساتھ،کرس گیل
  • بریکنگ :- کرس گیل کابیان ٹویٹر کےٹاپ ٹرینڈمیں شامل
Coronavirus Updates

پی آئی اے کا عاشورہ کے موقع پر عراق کیلئے خصوصی پروازیں چلانے کا اعلان

پاکستان

لاہور: (دنیا نیوز) قومی ایئر لائن پی آئی اے نے عاشورہ کے موقع پر عراق کی خصوصی پروازیں چلانے کا اعلان کیا ہے۔ زائرین کی سہولت کیلئے اسلام آباد، لاہور اور کراچی سے نجف کیلئے براہ راست پروازیں چلائی جائیں گی۔

پی آئی اے کی جانب سے جاری اعلامیے میں کہا گیا ہے کہ 11 اگست سے پروازیں زائرین کو لے کر نجف اشرف پہنچیں گی۔ زائرین کی واپسی کا آپریشن 21 اگست سے ترتیب دیا گیا ہے۔

قومی ایئر لائن کے سی ای او ارشد ملک نے کہا ہے کہ زائرین کے لئے کراچی، اسلام آباد اور لاہور سے پرکشش کرایہ متعارف کروا دیا گیا ہے۔ عاشورہ پر پاکستان سے براہ راست پروازوں کا مطالبہ بہت عرصے سے کیا جا رہا تھا۔

انہوں نے کہا کہ تمام مذہبی موقعوں پر خصوصی پروازوں کا انعقاد پی آئی اے کی ہمیشہ سے روایت رہی ہے۔ زائرین کی خدمت اور ان کی معاونت قومی ائیر لائن کی حیثیت سے ہماری ذمہ داری ہے۔
 

Advertisement
روزنامہ دنیا ایپ انسٹال کریں