وزیراعلیٰ پنجاب کے سمبڑیال، سیالکوٹ کے اچانک دورے، 15 بڑے آفیسرز کو معطل کردیا
پاکستان
لاہور: (دنیا نیوز) وزیراعلیٰ پنجاب سردار عثمان نے سمبڑیال اورسیالکوٹ کے اچانک دورے کیے، فرائض سے غفلت اورعوامی شکایات پر 15 بڑے آفیسرز کو معطل کردیا۔
وزیر اعلیٰ پنجاب سردار عثمان بزدار متحرک ہو گئے، سمبڑیال اور سیالکوٹ کا ساڑھے تین گھنٹے طویل دورہکیا اور ختلف محکموں کا وزٹ کیا اس دوران فرائض سے غفلت برتنے، عوامی شکایات اور خراب کارکردگی پر سخت ایکشن لیا۔ اسسٹنٹ کمشنر سمبڑیال سمیت 15 افسروں کو عہدوں سے ہٹا دیا۔
وزیراعلیٰ نے ڈسٹرکٹ جیل سیالکوٹ میں خواتین قیدیوں کے معاملات پر سخت نوٹس لیا۔ جیل سپرنٹنڈنٹ اور اسسٹنٹ جیل سپرنٹنڈنٹ ویمن کی سرزنش کی۔ عثمان بزدار ڈسٹرکٹ جیل سیالکوٹ کے معاملات میں بدانتظامی پر سخت برہم ہوئے۔
وزیراعلیٰ عثمان بزدار نے دورے کے دوران سمبڑیال روڈ کی تعمیر و مرمت کی منظوری دے دی جبکہ شہاب پورہ پل کی تعمیر کیلئے 20 کروڑ روپے کے فنڈ کے اجراء کا اعلان کیا اور ایئرپورٹ سے سمبڑیال چوک تک سڑک کی تعمیر کی منظوری دے دی۔
اسی دوران ڈپٹی کمشنر سیالکوٹ کو تجاوزات اور مافیا کے خاتمے کیلئے بلاامتیاز کریک ڈاؤن کرنے کی ہدایت بھی کیا۔
سردار عثمان بزدار نے پراپرٹی ٹیکس کے معاملات کی انکوائری کیلئے سیکرٹری ایکسائز اینڈ ٹیکسیشن کو انکوائری افسر مقرر کر دیا۔ سردار عثمان بزدار نے ڈپٹی کمشنر آفس میں لوگو ں کے مسائل بھی سنے۔
CM Punjab Usman Bazdar, Minister for Prisons and Spokesperson to the Punjab Government Fayyaz ul Hassan Chohan paid a surprise visit to Sialkot Jail. Reviewed the facilities provided to the prisoners.@Fayazchohanpti @UsmanAKBuzdar pic.twitter.com/MWWze2XARu
— Fakhar ur Rahman (@fakharurrahman) September 16, 2021
ترجمان پنجاب حکومت فیاض الحسن چوہان کا کہناتھاکہ وزیر اعلی کےدوسرے اضلاع کے سرپرائز وزٹ بھی جاری رہیں گے ۔
