نیوز الرٹ
  • بریکنگ :- دونوں رہنماؤں کاافغانستان میں تازہ ترین پیشرفت کابھی جائزہ
  • بریکنگ :- وزیراعظم عمران خان سےسعودی ولی عہدمحمدبن سلمان کی ملاقات
  • بریکنگ :- ریاض:ملاقات مڈل ایسٹ گرین انیشی ایٹوسمٹ کی سائیڈلائن پرہوئی
  • بریکنگ :- ملاقات میں دوطرفہ امورپرتبادلہ خیال کیاگیا،وزیراعظم آفس
  • بریکنگ :- وزیراعظم نےسعودیہ کی ترقی کیلئےشاہ سلمان بن عبدالعزیزکی قیادت کوسراہا
  • بریکنگ :- سعودی وژن 2030 کےلیےولی عہدشہزادہ محمدبن سلمان کی بھی تعریف
  • بریکنگ :- مڈل ایسٹ گرین انیشی ایٹوسربراہی اجلاس کےانعقادپرمحمدبن سلمان کومبارکباد
  • بریکنگ :- پاکستان گرین انیشی ایٹوکی تکمیل میں تعاون اورحمایت کرےگا،وزیراعظم
  • بریکنگ :- وزیراعظم کاسعودی عرب کیساتھ مضبوط برادرانہ تعلقات کےعزم کااعادہ
  • بریکنگ :- سعودی عرب کیساتھ پاکستان کےاسٹریٹجک تعلقات کی اہمیت پربھی بات چیت
  • بریکنگ :- وزیراعظم نےہراہم موڑپرپاکستان کی مددپرسعودی عرب کاشکریہ اداکیا
  • بریکنگ :- دونوں رہنماؤں کاتمام شعبوں میں دوطرفہ تعاون مزیدمضبوط بنانےپراتفاق
  • بریکنگ :- وزیراعظم کاافغانستان کی مددکیلئےبین الاقوامی برادری کےکردارکی اہمیت پرزور
  • بریکنگ :- وزیراعظم کاافغانستان میں بگڑتی انسانی صورتحال پرتشویش کااظہار
  • بریکنگ :- عالمی برادری افغانستان میں انسانی ومعاشی بحران روکنےکیلئےاقدامات کرے،وزیراعظم
Coronavirus Updates

مقررہ وقت پر حلف نہ اٹھانے پر رکن اسمبلی کی نشست خالی، درخواست پر تحریری حکم جاری

پاکستان

لاہور: (دنیا نیوز) لاہور ہائیکورٹ نے منتخب اراکین اسمبلی کی جانب سے مقررہ وقت پر حلف نہ اٹھانے کی صورت میں نشست کو خالی تصور کرنے کے قانون کے خلاف درخواست پر تحریری حکم جاری کردیا۔ جسٹس جواد حسن نے قرار دیاکہ وفاقی حکومت ،الیکشن کمیشن سمیت تمام فریقین 14روز میں تحریری جواب جمع کروائیں۔

لاہور ہائیکورٹ کے جسٹس جواد حسن نے شہری فریدعادل کی درخواست پر سماعت کی۔ فرید عادل نے الیکشن آرڈیننس 2021 میں تیسری ترمیم کیخلاف آئینی درخواست دائر کی۔

درخواست گزار کی جانب سے موقف اختیار کیا گیا کہ الیکشن آرڈیننس میں ترمیم کے ذریعے 72 اے کے ذریعے منتخب رکن اسمبلی کو 60 روز میں حلف لینے کا پابندبنایا گیا ہے۔فیڈرل لیجسلیٹو لسٹ میں وفاق کو رکن اسمبلی کے حلف اٹھانے کا وقت مقرر کرنے کا کوئی اختیار نہیں دیا گیا۔

درخواست گزار وکیل نے کہا وفاقی حکومت اگر حلف کی مدت مقرر کرنے کا اختیار نہیں رکھتی تو صدر مملکت کیسے وہی اختیار استعمال کرسکتے ہیں۔ صدر مملکت نے غیر آئینی طور پر رکن اسمبلی کے حلف کی مدت مقرر کرنے کا ترمیمی آرڈیننس جاری کیا۔ لہذاعدالت الیکشن آرڈیننس 2021 میں تیسری ترمیم کو غیر آئینی قرار دے کر کالعدم کیا جائے۔

جسٹس جواد حسن نے 3صفحات پر مشتمل فیصلہ جاری کرتے ہوئے کہا کہ آئندہ سماعت سے قبل تمام فریقین تحریری جواب جمع کرائیں ۔سرکاری وکیل اور متعلقہ ادارے ہدایات لے کے آئندہ سماعت تک عدالت کو آگاہ کریں۔

درخواستگزار کے وکیل نے درخواست کے قابل سماعت ہونے سے متعلق عدالت میں دلائل دیے ۔ درخواستگزار نے اعلی عدلیہ کے فیصلے بطور مثال بھی عدالت میں پیش کیے ۔وفاقی حکومت اور الیکشن کمیشن پاکستان چودہ دن میں جواب اور رپورٹ پیش کریں۔
 

Advertisement
روزنامہ دنیا ایپ انسٹال کریں