نیوز الرٹ
  • بریکنگ :- سیالکوٹ میں سری لنکن شہری کاقتل قابل مذمت اورشرمناک ہے،آرمی چیف
  • بریکنگ :- ایسےماورائےعدالت اقدام قطعاً ناقابل قبول ہیں،آرمی چیف
  • بریکنگ :- گھناؤنےجرم کےمرتکب افرادکوکیفرکردارتک پہنچانےکیلئےہرممکن مددفراہم کی جائے،آرمی چیف
Coronavirus Updates

کورونا کی صورتحال میں بہتری، ہفتہ وار ایک دن کی لازمی بندش ختم

پاکستان

اسلام آباد: (دنیا نیوز) ملک بھر میں کورونا وائرس کے کیسز کی تعداد میں کمی کے بعد ہفتہ وار ایک دن کی لازمی بندش ختم کر دی گئی۔

نیشنل کمانڈ اینڈ آپریشن سینٹر (این سی او سی) اجلاس میں اضلاع کی مکمل ویکسی نیشن کی سطح کے تناسب میں ملک میں بیماری کی صورتحال کا تفصیلی جائزہ لیا گیا، اجلاس میں کم بیماری کے پھیلاوٴ اور جاری ویکسی نیشن مہم کے تناظر میں ملک بھر میں ہفتہ وار ایک دن کی لازمی بندش کو ختم کر دیا ہے۔

این سی او سی کے مطابق ایس او پیز کا نفاذ 16 سے 31 اکتوبر 21 تک جاری رہے گا۔ ان ڈور شادی کی تقریبات میں شرکا کی تعداد کو 200 سے بڑھا کر 300 کر دیا گیا، آؤٹ ڈور شادی کی تقریبات میں 300 سےبڑھا کر 500 افراد کو شرکت کی اجازت دے دی گئی۔

این سی او سی کے مطابق سینیما اور مزارات کو بھی مکمل ویکسین شدہ افراد کے لئے کھول دیا گیا۔ 28 اکتوبر کو این سی او سی میں کے اجلاس میں موجودہ این او پیز پر نظر ثانی کی جائے گی۔

واضح رہے کہ چند روز سے کورونا وائرس کے کیسز کی تعداد میں کمی ریکارڈ کی گئی جا رہی ہے۔

یاد رہے کہ چوبیس گھنٹوں کے دوران بھی کورونا سے 27 افراد جاں بحق ہوگئے، جس کے بعد اموات کی تعداد 28 ہزار 228 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 62 ہزار 771 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 86 نئے کیسز رپورٹ ہوئے، پنجاب میں 4 لاکھ 37 ہزار 316، سندھ میں 4 لاکھ 64 ہزار 746، خیبر پختونخوا میں ایک لاکھ 76 ہزار 501، بلوچستان میں 33 ہزار 108، گلگت بلتستان میں 10 ہزار 363، اسلام آباد میں ایک لاکھ 6 ہزار 357 جبکہ آزاد کشمیر میں 34 ہزار 380 کیسز رپورٹ ہوئے۔

ملک بھر میں اب تک 2 کروڑ 98 ہزار 599 افراد کے ٹیسٹ کئے گئے، گذشتہ 24 گھنٹوں کے دوران 53 ہزار 590 نئے ٹیسٹ کئے گئے، اب تک 11 لاکھ 94 ہزار 590 مریض صحتیاب ہوچکے ہیں جبکہ 2 ہزار 131 مریضوں کی حالت تشویشناک ہے۔

پاکستان میں کورونا سے ایک دن میں 27 افراد جاں بحق ہوئے جس کے بعد وائرس سے مرنے والوں کی تعداد 28 ہزار 228 ہوگئی۔ پنجاب میں 12 ہزار 821، سندھ میں 7 ہزار 520، خیبرپختونخوا میں 5 ہزار 673، اسلام آباد میں 936، بلوچستان میں 352، گلگت بلتستان میں 186 اور آزاد کشمیر میں 740 مریض جان سے ہاتھ دھو بیٹھے۔

Advertisement
روزنامہ دنیا ایپ انسٹال کریں