شہباز شریف انٹر نیشنل صادق اور امین ہیں تو عدالت میں شواہد لے آئیں: شہزاد اکبر
پاکستان
اسلام آباد: (دنیا نیوز) وزیر اعظم کے مشیر برائے داخلہ شہزاد اکبر نے کہا ہے کہ شہباز شریف اگر انٹر نیشنل صادق اور امین ہیں تو عدالت میں شواہد لے کر آئیں ۔شہبازشریف اور مریم نواز مقدمات کو طول دے رہے ہیں۔پی ڈی ایم کچھ نہیں کرسکے گی۔
ایوان وزیراعلی لاہور میں وزیر اعظم کے مشیر برائے داخلہ نے پریس کانفرنس کرتے ہوئے کہا کہ شہباز شریف احتساب عدالت جانے کے بجائے اسلام آباد چلے گئے ۔ یہ ان کی شو بازی کا ثبوت ہے وہ مقدمے کو طول دینے کی کوشش کررہے ہیں۔
انہوں نے کہا کہ 2003 سے 2009 تک شہباز فیملی کے اثاثوں میں 66 کروڑ کا اضافہ ہوا۔ شہباز نے تو مجھے عدالتوں میں گھسیٹنے کا کہا تھا۔ وہ اب مجھے عدالت کیوں نہیں لے کر جاتے۔ پی ڈی ایم کے احتجاج سے کچھ نہیں ہوگا۔
شہزاداکبر نے مزید کہا کہ مہنگائی پوری دنیا کا مسئلہ ہے، نئے آرڈیننس کے بعد 6 ماہ میں کیس کا فیصلہ کرنا لازم ہے۔
