نیوز الرٹ
  • بریکنگ :- بلوچستان کےعلاقےکیچ میں سیکیورٹی فورسزکی چیک پوسٹ پرحملہ
  • بریکنگ :- فائرنگ کےتبادلےمیں ایک دہشتگردہلاک،متعددزخمی ،آئی ایس پی آر
  • بریکنگ :- دہشتگردوں کی فائرنگ سے 10جوان شہید،آئی ایس پی آر
  • بریکنگ :- 3دہشتگردوں کوگرفتار کرلیا گیا، آئی ایس پی آر
  • بریکنگ :- کلیئرنس آپریشن ابھی تک جاری ہے، آئی ایس پی آر
  • بریکنگ :- ملزمان کوانجام تک پہنچانے کیلئے آپریشن جاری رہےگا،آئی ایس پی آر
  • بریکنگ :- حملہ 25 اور 26جنوری کی درمیانی شب کیاگیا،آئی ایس پی آر
  • بریکنگ :- ارض پاک سےدہشتگردوں کےمکمل خاتمہ تک سیکیورٹی فورسزپرعزم ہیں
Coronavirus Updates

پنجاب :بلدیاتی قانون سازی مشکلات کا شکار ،پرویز الہیٰ نے نئی تجاویز دیدیں

پاکستان

لاہور:(دنیا نیوز)پنجاب میں بلدیاتی قانون سازی مشکلات کا شکار ہو گئی اور قائم مقام گورنرچودھری پرویز الہیٰ نے آرڈیننس پر دستخط کے بجائے نئی تجاویز دے دیں۔

مسلم لیگ ق نے تحصیل کونسلز کو دوبارہ بلدیاتی نظام کا حصہ بنانے کا مطالبہ کردیااور بلدیاتی اداروں میں میئر اور ضلع کونسل چیئرمین کے لیے تعلیمی قابلیت کی شرط رکھنے کی بھی تجویز دے دی ہے جبکہ قائم مقام گورنر پنجاب چودھری پرویز الہٰی سے سیکرٹری بلدیات نور الامین مینگل نے ملاقات کی اورپنجاب کابینہ کے پاس کردہ لوکل باڈی ایکٹ 2021 بارے بریفنگ دی۔

بریفنگ میں بتایا گیا کہ نئے بلدیاتی نظام میں دیہی سطح پر ویلیج کونسل اور ضلع کونسل کا نظام تجویز کیا گیا ہے جبکہ چودھری پرویز الہٰی نے ویلیج کونسل اور ضلع کونسل کے ساتھ تحصیل کونسل کا نظام لانے کی تجویز دے دی ہے۔

تجاویز میں کہا گیا ہے کہ ضلع کونسل چئیرمین اور میئر کے لئے تعلیمی قابلیت ہونی چاہیے جبکہ الیکشن کمیشن نے پنجاب حکومت کو نئے ایکٹ بارے تیس نومبر کی ڈیڈلائن دے رکھی ہے ۔

الیکشن کمیشن نے یکم دسمبر سے حد بندی کے عمل کا آغاز کرنا ہے ،قائم مقام گورنر کی تجاویز کے بعد حکومت پنجاب ایک بار پھر مشکلات کا شکار ہوگئی ہے اورمحکمہ بلدیات نے قائم مقام گورنر کی تجاویز سے وزیر اعلیٰ پنجاب کو آگاہ کرنے کا فیصلہ کیا ہے۔

وزیر بلدیات میاں محمود الرشید اور سیکرٹری بلدیات نور الامین مینگل وزیر اعلیٰ کو نئی صورت حال پر بریف کریں گے اوروزیر اعلیٰ نئی صورت حال کی روشی میں بلدیاتی ایکٹ کی حتمی تجاویز کے حوالے سے فیصلہ کریں گے۔
 

Advertisement
روزنامہ دنیا ایپ انسٹال کریں