خیبر پختونخوا میں بلدیاتی انتخابات کے دوسرے مرحلے کا شیڈول جاری
پاکستان
پشاور: (دنیا نیوز) الیکشن کمیشن نے خیبر پختونخوا میں بلدیاتی انتخابات کے دوسرے مرحلے کیلئے الیکشن شیڈول جاری کر دیا۔
تفصیلات کے مطابق دوسرے مرحلے میں چودہ سے سولہ فروری تک امیدواروں سے کاغذات نامزدگی وصول کئے جائیں گے، ان کی حتمی فہرست تئیس فروری کو جاری کی جائے گی۔ پولنگ 27 مارچ کو ہو گی، کاغذات نامزدگی سات سے گیارہ فروری تک امیدواروں کو جاری کئے جائیں گے۔
الیکشن کمیشن نے امیدواروں کو انتخابی نشانات اٹھائیس فروری کو الاٹ کرنے کا شیڈول جاری کیا ہے۔
