جعلسازی کی دفعات کے تحت سابق سینیٹر میاں عتیق گرفتار
پاکستان
راولپنڈی: (دنیا نیوز) سابق سینیٹر میاں عتیق کو جعلسازی کی دفعات کے تحت راولپنڈی میں درج مقدمہ میں لاہور سے گرفتار کرلیا گیا۔
سابق سینیٹر میاں عتیق اور ان کے ساتھیوں کے خلاف گزشتہ سال جون میں ضلعی انتظامیہ کی درخواست پر دفعہ 471 کے تحت مقدمہ درج کیا گیا تھا۔ میاں عتیق پر مقدمہ میں جعلی پراپرٹی دستاویز پیش کرنے کا الزام ہے۔
ترجمان راولپنڈی پولیس کے مطابق میاں عتیق اور دیگر الزام علیہان مقدمہ میں اشتہاری ہیں، میاں عتیق کو لاہور میں قلعہ گجر سنگھ پولیس نے گرفتار کرکے راولپنڈی پولیس کے حوالے کردیا گیا ہے۔
