ملک کے مختلف شہروں میں بادل برس پڑے، سردی کی شدت میں اضافہ
لاہور: (دنیا نیوز) ملک کے مختلف حصوں میں بادلوں نے انٹری دے دی، مختلف شہروں میں کہیں ہلکی تو کہیں تیز بارش سے سردی کی شدت بڑھ گئی۔
محکمہ موسمیات کے مطابق کوئٹہ، چمن، زیارت، جھل مگسی، کوہلو اور جیکب آباد میں بارش سے سردی کی شدت میں اضافہ ہوگیا۔
پنجاب کے مختلف شہروں میں بھی کہیں ہلکی تو کہیں تیز بارش سے خشک سالی کا خاتمہ ہو گیا، ساہیوال، حافظ آباد، جہانیاں، سرگودھا، جہلم اور شجاع آباد سمیت متعدد شہروں میں ہلکی بارش ہوئی۔
گلیات میں برفباری نے رنگ جما دیا، پہاڑوں کا حسن نکھرنے لگا،پہاڑی علاقوں میں سردی کی شدت میں اضافے کے باعث لوگوں کو مشکلات کا سامنا بھی کرنا پڑ رہا ہے۔
