یاسین ملک ڈیتھ سیل میں اور فیملی کی ملاقات بھی نہیں کرائی جارہی: مشعال ملک
اسلام آباد:(دنیا نیوز) کشمیری حریت رہنما یاسین ملک کی اہلیہ مشعال ملک نے کہا ہے کہ یاسین ملک کوڈیتھ سیل میں رکھا گیا اور فیملی کی ملاقات بھی نہیں کرائی جارہی۔
وفاقی دارالحکومت میں تقریب سے خطاب کرتے ہوئے مشعال ملک کا کہنا تھا کہ مقبوضہ کشمیرمیں ظلم ہو رہا ہے، حریت کی ساری قیادت اِس وقت تہاڑ جیل میں ہے، کشمیریوں کی نسل کشی کی جارہی ہے۔
اُنہوں نے کہا کہ نریندرمودی مقبوضہ کشمیرمیں ظلم کر رہا ہے، دس لاکھ سے زائد بھارتی فوج کشمیر میں موجود ہے، مقبوضہ کشمیرمیں نہتے کشمیریوں کا قتل عام کیا جارہا ہے، ہم سب کو کشمیر کی آزادی کے لیے اپنا کردارادا کرنا ہوگا۔
کشمیری حریت رہنما کی اہلیہ کا مزید کہنا تھا کہ یاسین ملک کوڈیتھ سیل میں رکھا ہوا ہے، یاسین ملک کی فیملی سے ملاقات نہیں کرائی جارہی ہے۔
