اطالوی سفیر کی وزیر خارجہ اسحاق ڈار سے الوداعی ملاقات
اسلام آباد: (دنیا نیوز) ترجمان دفتر خارجہ کے مطابق اطالوی سفیر نے وزیر خارجہ اسحاق ڈار سے الوداعی ملاقات کی۔
اسحاق ڈار نے اطالوی سفیر کو کامیاب سفارتی مدت مکمل کرنے پر مبارکباد پیش کی، نائب وزیراعظم نے پاکستان اور اٹلی کے درمیان تعلقات کے فروغ میں سفیر کی خدمات قابلِ تحسین قرار دیا۔
نائب وزیراعظم نے کہا کہ تجارت، سرمایہ کاری، تعلیم اور لیبر موبیلٹی میں تعاون فروغ پا رہا ہے، پاکستان نے اٹلی کے ساتھ دوطرفہ تعلقات کو مزید مضبوط بنانے کے عزم کا اعادہ کیا۔
— Ministry of Foreign Affairs - Pakistan (@ForeignOfficePk) June 9, 2026
اطالوی سفیر نے پاکستان میں اپنے قیام کے دوران تعاون پر اسحاق ڈار کا شکریہ ادا کیا، اطالوی سفیر نے پاک-اٹلی تعلقات میں پیش رفت کو بھی سراہا۔
اس موقع پر اطالوی سفیر نے کہا کہ دوطرفہ تعلقات میں مثبت پیش رفت خوش آئند ہے، اسحاق ڈار نے اطالوی سفیر کے مستقبل میں کامیابی کے لئے نیک تمناوں کا اظہار کیا۔
