نیوز الرٹ
  • بریکنگ :- خیبرپختونخواکےبالائی علاقوں میں مزیدبارش کاامکان،محکمہ موسمیات
  • بریکنگ :- پشاور:مالم جبہ اورکالام میں برفباری کاامکان،محکمہ موسمیات
  • بریکنگ :- پشاور:میدانی علاقوں،جنوبی اضلاع میں موسم سرداورخشک رہےگا
  • بریکنگ :- بٹگرام:میدانی علاقوں میں بارش،پہاڑوں پربرفباری تیسرےروزبھی جاری
  • بریکنگ :- بٹگرام:لینڈسلائیڈنگ اوربرفباری کےباعث رابطہ سڑکیں بند
  • بریکنگ :- بٹگرام:سیاحتی مقامات پر 3 سے 4 فٹ تک برفباری
Coronavirus Updates

ٹویٹر نے صارفین پر تصاویر اور ویڈیوز سے متعلق بڑی پابندی عائد کر دی

ٹیکنالوجی

لاہور: (ویب ڈیسک) سوشل میڈیا کی مشہور ویب سائٹ ٹویٹر نے اپنے صارفین پرلوگوں کی مرضی کے بغیر ان کی تصاویر یا ویڈیوز شیئر کرنے پر پابندی عائد کر دی ہے۔

سماجی ابطے کی ویب سائٹ ٹویٹر پر کمپنی نے ٹوئٹ میں اس پابندی کا اعلان کیا۔

کمپنی کی طرف سے جاری کردہ بیان میں بتایا گیا ہے کہ عام افراد کی تصاویر یا ویڈیوز ان کی اجازت کے بغیر شیئر کرنا پرائیویسی کی خلاف ورزی اور ممکنہ طور پر نقصان پہنچانے کا باعث بن سکتا ہے۔

ٹوئٹر سیفٹی ٹیم نے ایک بلاگ پوسٹ میں اس حوالے سے تفصیلات بیان کیں۔

بیان کے مطابق اگرچہ ہر فرد میڈیا فائلز کو شیئر کرنے پر متاثر ہوسکتا ہے مگر اس کا اثر خواتین، سماجی کارکنوں اور اقلیتی برادریوں کے افراد پر زیادہ ہوتا ہے۔ اگر کوئی صارف کسی تصویر یا ویڈیو کو رپورٹ کرتا ہے جس میں پالیسی کی خلاف ورزی ہوئی ہو تو ٹوئٹر کی جانب سے میڈیا فائلز کو ہٹا کر مختلف آپشنز کے تحت ایکشن لیا جائے گا۔

ان اقدامات میں صارفین کے مواد کو ریپلائیز اور سرچ رزلٹس میں نیچے لایا جاسکتا ہے یا اس فرد کو ٹوئٹ ڈیلٹ کرنے کا کہا جائے گا۔ ٹوئٹر کے پاس پالیسی کی خلاف ورزی پر صارفین کو ہمیشہ کے لیے معطل کرنے کا اختیار بھی ہوگا۔

اس پالیسی میں کچھ استثنیٰ بھی ہے جیسے عوامی شخصیات کے پرائیویٹ میڈیا کو اس میں کور نہیں کیا جائے گا یا ایسی تصویر، ویڈیو کو ٹوئٹ میں شیئر کیا جائے گا جو عوامی مفاد میں ہو۔ آسان الفاظ میں اگر وہ میڈیا فائلز اہم ہے تو ٹوئٹر کی جانب سے اسے پلیٹ فارم پر برقرار رکھا جائے گا۔

کمپنی کی جانب سے مختلف عناصر جیسے ٹی وی یا اخبارات میں تصاویر کی موجودگی کو بھی مدنظر رکھ کر فیصلہ کیا جائے گا۔

مگر کمپنی نے واضح کیا ہے کہ اگر عوامی شخصیات یا دیگر افراد کی نجی تصاویر یا ویڈیوز کو شیئر کرنے کا مقصد ان کو ہراساں کرنا یا چپ کرانا ہوگا تو ٹوئٹر کی جانب سے ان فائلز کو ڈیلیٹ کردیا جائے گا۔

ٹوئٹر میں کافی عرصے سے صارفین کی جانب سے دیگر افراد کی نجی تفصیلات جیسے رہائشی پتے، فون نمبر، شناختی دستاویزات یا مالیاتی تفصیلات پر پابندی عائد کررکھی ہے۔

اب لوگوں کی نجی میڈیا فائلز کے حوالے سے پالیسی کا نفاذ 30 نومبر سے ہورہا ہے جس کا مقصد سیفٹی پالیسیوں کو انسانی حقوق کے معیار کے مطابق لانا ہے۔
 

Advertisement
روزنامہ دنیا ایپ انسٹال کریں