نیوز الرٹ
  • بریکنگ :- وزیراعظم سےچیئرمین سینیٹ اوروزیراعلیٰ بلوچستان کی ملاقات
  • بریکنگ :- اسلام آباد:ملاقات میں بلوچستان کی ترقی پربات چیت
Coronavirus Updates

پریمی جوڑے نے بڑی دیگ میں بیٹھ کر منزل پا لی

عجیب خبریں

نئی دہلی: (دنیا نیوز) بھارتی ریاست کیرالا میں سیلابی صورتحال کے باعث شادی کے اسٹیج تک پہنچنے کیلئے پریمی جوڑے نے بڑی دیگ استعمال کی۔

بھارت کی ریاست کیرالہ میں ان دنوں سیلابی صورتحال نے تباہی مچا رکھی ہے، کھیت کھلیان کیا، گلیوں سڑکوں پر پانی ہی پانی ہے جس نے آنے جانے کے راستے مسدود کر رکھے ہیں۔ مگر یہ مشکلات تو عام انسانوں کیلئے ہیں، پیار میں مبتلا افراد کب ان مشکلات کو خاطر میں لاتے ہیں۔ پریمی جوڑنے نے سیلاب کے باوجود اپنی شادی کی مقررہ تاریخ پر ہی ایک ہونے کا فیصلہ کیا اور بڑی دیگ میں بیٹھ کر مندر پہنچ گئے۔

ویڈیو میں دیکھا جا سکتا ہے کہ پریمی جوڑا دیگ میں ایسے بیٹھا ہے جیسے کشتی میں سفر کیا جاتا ہے اور 2 آدمی اسے کھینچ کر مندر تک لے جا رہے ہیں۔

شادی کیلئے پوری سج دھج سے تیار اس جوڑے کی مندر جانے اور واپسی کی ویڈیو انٹرنیٹ پر وائرل ہو گئی اور سب کو سبق دے گئی کہ پیار حقیقت میں خلوص بھرا ہو تو مشکلات خودبخود آسانیوں میں بدلتی چلی جاتی ہیں۔
 

Advertisement
روزنامہ دنیا ایپ انسٹال کریں