متحدہ عرب امارات کی تمام مساجد میں جمعہ کی نماز کا یکساں وقت مقرر
ابوظہبی: (دنیا نیوز) متحدہ عرب امارات (یو اے ای) کی تمام مسجدوں میں نمازِ جمعہ اور خطبے کا وقت یکساں کر دیا گیا۔
اماراتی جنرل اتھارٹی آف اسلامی امور کے مطابق نیا نظام 2 جنوری 2026ء سے نافذ ہوگا، امارات کی تمام مساجد میں جمعہ کا خطبہ اور نماز 12 بج کر 45 منٹ پر ادا کی جائے گی۔
اس سے پہلے دبئی اور ابوظبی میں جمعہ کی نماز عام طور پر 1:30 بجے جبکہ شارجہ اور شمالی امارات میں 12:30 بجے کے قریب ادا ہوتی تھی لیکن اب پورے ملک میں ایک ہی وقت مقرر کیا گیا ہے۔
اماراتی جنرل اتھارٹی آف اسلامی امور نے نمازیوں سے درخواست کی ہے کہ وہ مقرر کر دہ وقت کی پابندی کریں اور نماز کو اس کے متعین وقت پر ادا کرنے کا اہتمام کریں۔
